Science and Technology news 8 to 15 April

Heartbleed လုံခြုံရေး အားနည်းချက်

−−−−−−−−−−−−−−−−−−−−−−−−−−−−−−−−−−−−−−−−−−−−−−−

ပြီးခဲ့တဲ့ တစ်ပတ်အတွင်း နည်းပညာလောကကို လှုတ်ခတ်သွားခဲ့တာကတော့ Heartbleed bug လို့ခေါ်တဲ့ လုံခြုံရေး အားနည်းချက်ပဲ ဖြစ်ပါတယ်။ OpenSSL software ကိုသုံးတဲ့ SSL protocol မှာ အသုံးပြုသူတွေရဲ့ passward တွေကို ဖေါက်ထွင်း ရယူသွားနိုင်တဲ့ အားနည်းချက်ကို Heartbleed bug လို့ ခေါ်တာဖြစ်ပါတယ်။ ဒီလုံခြုံရေး အားနည်းချက်ကို Codenomicon ကုမ္ပဏီ က ဧပြီ ၇ရက်နေ့က တွေ့ရှိခဲ့တာ ဖြစ်ပြီး ၂၀၁၁ ဒီဇင်ဘာ ၃၁ ရက်မှာ ဖြန့်ချီခဲ့တဲ့ OpenSSL version မှာ ပါဝင်ခဲ့တာကြောင့် နှစ်နှစ်ကျော်ကာလ ဒီလို အားနည်းချက်ဟာ အင်တာနက်မှာ ရှိနေခဲ့တာပါပဲ။ အခုတော့ OpenSSL software အားနည်းချက်ကို ပြုပြင်ပေးတဲ့ software (patch) ကို ဖြန့်ချီပေးလိုက်ပြီး ဖြစ်ပါတယ်။

××××××××××××××××××××××××××

ဓါတ်ခွဲခန်းမှာ ပျိုးထောင်ယူခဲ့တဲ့ ခန္ဓာကိုယ်အစိတ်အပိုင်း

−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−

ခန္ဓာကိုယ်တစ်ရှူးသုတေသနတွေ လုပ်နေတဲ့ Institute for Regenerative Medicine က သုတေသန အောင်မြင်မှုတစ်ရပ်ကို ထုတ်ပြန်ခဲ့ပါတယ်။ မွေးရာပါ ချွတ်ယွင်းချက်ကြောင့် ယောနိအင်္ဂါပါမလာတဲ့ ကလေးများအတွက် ၎င်းတို့ခန္ဓာကိုယ်က epithelialဆဲလ်ကို အသုံးပြုပြီး ဓါတ်ခွဲခန်းမှာ ပျိုးထောင်ယူခဲ့ပြီး ခနွာကိုယ်မှာ ခွဲစိတ်တပ်ဆင်ပေးခဲ့ပါတယ်။ စမ်သပ်ကုသမှုမှာ ၁၄နှစ်ပါတ်ဝန်းကျင် အရွယ် မိန်းကလေး ၄ယောက်ကို လွန်ခဲ့တဲ့ ရှစ်နှစ်ခန့်က ပြုလုပ်ခဲ့တာဖြစ်ပြီး စောင့်ကြည့်စစ်ဆေးမှုတွေအရ ယခုအခါမှာ ကုသမှုဟာ အပြည့်အဝ အောင်မြင်မှု ရှိတယ်ဆိုတာ ကြေငြာလိုက်တာ ဖြစ်ပါတယ်။ ဒီမွေးရာပါ ချွတ်ယွင်းမှုကို MRKHရောဂါစုလို့လည်း ခေါ်ပါတယ်။

×××××××××××××××××××××××××××

Dragon capsule ကို မလွှတ်တင်ဖြစ်

−−−−−−−−−−−−−−−−−−−−−−−−−−−−−−−−−−−−−−−−−−−−−−−

SpaceXရဲ့ Falcon 9 rocket ကို ဒီတနင်္လာမှာ နိုင်ငံတကာ အာကာသစခန်းကို ထောက်ပံ့ရေးပစ္စည်းတွေ ပို့ပေးဖို့ လွှတ်တင်ဖို့ စီစဉ်ထားပေမယ့် ဟီလီယမ် ဓါတ်ငွေ့ ယိုစိမ့်မှုကြောင့် ရက် ရွှေ့ဆိုင်းလိုက်ပါတယ်။ ISS မှာလက်ရှိ စက်လက်တံတွေရဲ့ MDM အရံလျှပ်စစ် စနစ် ချွတ်ယွင်းမှု ရှိပေမယ့် Dragon capsule ကို စီစဉ်ထားသလို ပစ်လွှတ်သွားဖို့ ရည်ရွယ်ခဲ့ပါတယ်။ Dragon capsuleမှာ အာကာသမှာ သီးနှံ စိုက်ပျိုးနိုင်မှု စမ်းသပ်ဖို့ ဆလပ်ရွက်ပျိုးခင်းအငယ်လေး တစ်ခုကိုလည်း သယ်ဆောင်သွားမှာဖြစ်ပါတယ်။ ထူးခြားချက်အနေနဲ့ ဒုံးပျ ံအပိုင်းတွေ မြေပြင် ပြန် အကျမှာ ပြန်လည်အသုံးပြုနိုင်အောင် စီစဉ်ထားတဲ့ ပထမဆုံး စမ်းသပ်မှု ဖြစ်ပါတယ်။

××××××××××××××××××××××××××

ဒြပ်မှုန် အသစ်ရှာဖွေတွေ့ရှိခြင်း

−−−−−−−−−−−−−−−−−−−−−−−−−−−−−−−−−−−−−−

CERNက သုတေသီတွေဟာ ဒြပ်မှုန် Z(4430)ကိုတွေ့ရှိခဲကြပါတယ်။ Z(4430)ကိုတွေ့ရှိတာဟာ "ကွက်" အမျိုးအစားသစ် tetraquark ဖြစ်တည်မှုရှိတယ် ဆိုတဲ့ သက်သေပဲဖြစ်ပါတယ်။ သီအိုရီအဖြစ်ရှိဆဲဖြစ်တဲ့ နူထရွန်ကြယ်ကို ပိုမိုနားလည်နိုင်ဖို့ tetraquark ကို ထည့်သွင်းစဉ်းစား ဖို့လိုအပ်ပြီး နောက်ထပ်လည်း color neutral အမှုန်တွေနဲ့ တုန့်ပြန်မှုရှိတဲ့ pentaquarks နဲ့ hexaquarks စတဲ့ "ကွက်"အသစ်တွေကို တွေ့ရှိနိုင်ဖို့ လမ်းစဖြစ်တယ်လို့ Universe Today ဂျာနယ်မှာ ရေးသားထားပါတယ်။

××××××××××××××××××××××××××