Sunday, September 06, 2020

ဘာမှမဆိုင်တာတွေကလည်း တစ်ကယ်တော့ ဆိုင်ပါတယ်။

Originally written on 2019 September 15 at 4:36 PM ·
ဘာမှမဆိုင်တာတွေကလည်း တစ်ကယ်တော့ ဆိုင်ပါတယ်။ တခါတရံ အချိန်တွေကို ရပ်တန့်ပစ်လိုက်ချင်တဲ့ အတွေးမျိုး ဆိုတာ မဖြစ်နိုင်ဘူးလို့ သိပေမယ့် လိပ်ပြာတစ်ကောင် အတောင်ပံခတ်လိုက်သလို မဆိုင်ဘူးထင်ရတာတွေကြောင့်လည်း လွဲနိုင်ခြေအားလုံးနဲ့ လွဲတတ်လွန်းလို့ပါ။ လူ့ဘဝကြီးက ပေးတဲ့ မျှော်လင့်ခြင်းတွေဆိုတာ ဖန်သားမဟုတ်ပေမယ့် ကျကွဲသွားတာများပါတယ်။ လွဲရမယ်ဆိုရင်တာ့ ဘာမှမဆိုင်တာတွေကလည်း တစ်ကယ်တော့ ဆိုင်ပါတယ်။


Saturday, March 28, 2020

Confirmed cases (၂၈-၃-၂၀၂၀) Myanmar

Confirmed cases :(
Source: Ministry of Health and Sports, Myanmar

***
***သတင်းထုတ်ပြန်ခြင်း (၃၀-၃-၂၀၂၀) ရက်နေ့၊ ည (၇:၃၀) နာရီ***

14 ။ ဓာတ်ခွဲအတည်ပြုလူနာ (Case-14) သည် ရှမ်းပြည်နယ် (မြောက်ပိုင်း)၊ ကျောက်မဲမြို့နယ် တွင် နေထိုင်သော အသက် (၂၄) နှစ်အရွယ် မြန်မာနိုင်ငံသား အမျိုးသားတစ်ဦးဖြစ်ပြီး (၂၅-၃-၂၀၂၀) ရက်နေ့တွင် ထိုင်းနိုင်ငံ၊ ဘန်ကောက်မြို့မှ မြန်မာနိုင်ငံ တာချီလိတ်မြို့သို့ ပြန်လည်ရောက်ရှိခဲ့ကာ တာချီလိတ် မြို့တွင် (၂)ညတာတည်းခိုနေထိုင်ခဲ့ပါသည်။ (၂၇-၃-၂၀၂၀)ရက်နေ့၊ ညနေတွင် တာချီလိတ်မြို့မှ မန္တလေးမြို့သို့ လေကြောင်းဖြင့်ရောက်ရှိခဲ့ပြီး အဆိုပါနေ့ ညနေပိုင်းတွင် ကိုယ်ပိုင်မော်တော်ယာဉ်ဖြင့် မန္တလေးမြို့မှ ကျောက်မဲမြို့သို့ ရောက်ရှိခဲ့ပါသည်။ (၂၈-၃-၂၀၂၀) ရက်နေ့တွင် အလွန်အမင်း အန်ခြင်း၊ ချောင်းဆိုးခြင်း လက္ခဏာများခံစားခဲ့ရသဖြင့် ပြည်သူ့ဆေးရုံ၊ ကျောက်မဲမြို့သို့ (၂၈-၃-၂၀၂၀) ရက်နေ့၊ ညပိုင်းတွင် လာရောက်ပြသခဲ့ပြီး စောင့်ကြည့်လူနာအဖြစ် သီးသန့်ထားရှိ၍ ဆေးကု သမှုခံယူကာ ဓာတ်ခွဲနမူနာအား ပေးပို့စစ်ဆေးခဲ့ခြင်းဖြစ်ပါသည်။ အဆိုပါ လူနာ၏ လတ်တလော ကျန်းမာရေးအခြေအနေမှာ ကောင်းမွန်လျက်ရှိပါသည်။

11-13 ။ COVID-19 ရောဂါဓာတ်ခွဲအတည်ပြုလူနာ (Case-08) (ဧည့်လမ်းညွှန်) ၏ ရောဂါဖြစ်ပွားမှု ရာဇဝင်စစ်ဆေးချက်အရ ၎င်းဧည့်လမ်းညွှန်လုပ်ငန်း ဆောင်ရွက်ခဲ့သည့် ပြင်သစ်နိုင်ငံသား ခရီးသွား ဧည့်သည် (၄)ဦးအား (၂၈-၃-၂၀၂၀)ရက်နေ့တွင် ရန်ကုန်တိုင်းဒေသကြီး၊ ရန်ကုန်မြို့ရှိ ဟိုတယ် တစ်ခုတွင် အသွားအလာကန့်သတ်၍ စောင့်ကြပ်ကြည့်ရှုခြင်း ဆောင်ရွက်ခဲ့ပြီး (၂၉-၃-၂၀၂၀) ရက်နေ့တွင် ဓာတ်ခွဲနမူနာရယူစစ်ဆေးခြင်းများ ဆောင်ရွက်ခဲ့ခြင်းဖြစ်ပါသည်။ အဆိုပါ (၄)ဦး အနက် (၃)ဦး (Case-11)၊ (Case-12) နှင့် Case-13) တို့တွင် COVID-19 ရောဂါပိုး စစ်ဆေးတွေ့ရှိ ခဲ့သဖြင့် ၎င်းတို့ (၃)ဦးအား ဝေဘာဂီအထူးကုဆေးရုံသို့ လွှဲပြောင်းကုသမှုခံယူစေမည် ဖြစ်ပါသည်။ အဆိုပါ (၃)ဦးတွင် လက်ရှိအခြေအနေအရ ရောဂါလက္ခဏာတစ်စုံတစ်ရာ မတွေ့ရှိရပါ။

*** သတင်းထုတ်ပြန်ခြင်း (၂၉-၃-၂၀၂၀) ရက်နေ့၊ ည (၁၀:၃၀) နာရီ ***

10 ။ ဓာတ်ခွဲအတည်ပြုလူနာ (Case-10) သည် ရန်ကုန်တိုင်းဒေသကြီး၊ မင်္ဂလာတောင်ညွန့် မြို့နယ်တွင်နေထိုင်သော အသက် (၄၅) နှစ် အရွယ် မြန်မာနိုင်ငံသား အမျိုးသားတစ်ဦးဖြစ်ပြီး COVID-19 ရောဂါ ဓာတ်ခွဲအတည်ပြုလူနာ (Case-05) နှင့် အနီးကပ်ထိတွေ့ခဲ့သည့် ရာဇဝင်ရှိသည့်အတွက် (၂၈-၃-၂၀၂၀) ရက်နေ့တွင် ဝေဘာဂီအထူးကုဆေးရုံ၌ အသွားအလာကန့်သတ်ခြင်း (Hospital Quarantine) ဆောင်ရွက်ထားရှိပြီး ၎င်းထံမှဓာတ်ခွဲနမူနာရယူပြီး ပေးပို့စစ်ဆေးခဲ့ခြင်းဖြစ်ပါ သည်။ အဆိုပါလူနာအား ဝေဘာဂီအထူးကုဆေးရုံကြီးတွင် သီးခြားထားရှိ၍ ဆေးကုသမှု ဆက်လက်ပေးသွားမည်ဖြစ်ပါသည်။

9 ။ ဓာတ်ခွဲအတည်ပြုလူနာ (Case-09) သည် ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ပုလဲမြို့သစ်တွင် နေထိုင်သော အသက် (၄၄) နှစ်အရွယ် မြန်မာနိုင်ငံသား အမျိုးသားတစ်ဦးဖြစ်ပြီး (၂၃-၃-၂၀၂၀) ရက်နေ့တွင် ထိုင်းနိုင်ငံမှ မြန်မာနိုင်ငံသို့ မြဝတီမြို့မှတစ်ဆင့် ဝင်ရောက်ခဲ့ကာ (၂၆-၃-၂၀၂၀) ရက်နေ့တွင် မင်္ဂလာဒုံမြို့နယ်သို့ ရောက်ရှိခဲ့ပါသည်။ ထိုသူမှာ (၂၆-၃-၂၀၂၀) ရက်နေ့တွင်ပင် ဖျားခြင်း၊ ချောင်းဆိုးခြင်းရောဂါလက္ခဏာများ ခံစားခဲ့ရသဖြင့် ပြည်သူ့ဆေးရုံ၊ ပုလဲမြို့သစ်၌ (၂၆-၃-၂၀၂၀) ရက်နေ့တွင် စောင့်ကြည့်လူနာအဖြစ် ဆေးကုသမှုခံယူကာ ဓာတ်ခွဲနမူနာအား ပေးပို့စစ် ဆေးခဲ့ခြင်းဖြစ်ပါသည်။ အဆိုပါလူနာအား ဝေဘာဂီအထူးကုဆေးရုံသို့ လွှဲပြောင်းကုသမှု ခံယူစေမည်ဖြစ်ပါသည်။
-----------------------------------------------

***သတင်းထုတ်ပြန်ခြင်း (၂၈-၃-၂၀၂၀) ရက်နေ့၊ နံနက် (၀၀:၁၅) နာရီ ***

8။ ရန်ကုန်တိုင်းဒေသကြီး၊ ဗဟန်းမြို့နယ်နေ အသက် (၆၀) နှစ်အရွယ် ဧည့်လမ်းညွှန် အမျိုးသမီးတစ်ဦးသည် (၂၅-၃-၂၀၂၀) ရက်နေ့မှစတင်၍ ချောင်းဆိုးခြင်း၊ အန်ခြင်း လက္ခဏာ များဖြင့် ရန်ကုန်ပြည်သူ့ဆေးရုံကြီးသို့(၂၆-၃-၂၀၂၀)ရက်နေ့တွင် လာရောက်ပြသခဲ့ရာ ပြင်းထန် အဆုတ်ရောင်ရောဂါလက္ခဏာများတွေ့ရှိရသဖြင့် စောင့်ကြည့်လူနာအဖြစ်သတ်မှတ်၍ သီးခြား ထားရှိပြီး အထူးကြပ်မတ်ကုသပေးလျက်ရှိပါသည်။ ၎င်းမှာ ပြည်ပနိုင်ငံများသို့ လွန်ခဲ့သော (၁၄) ရက်အတွင်း ခရီးသွားရာဇဝင်မရှိသော်လည်း ပြင်သစ်နိုင်ငံသား ခရီးသွားများနှင့်အတူ ဧည့်လမ်းညွှန်အဖြစ် ခရီးသွားခဲ့ကြောင်းသိရှိရပါသည်။ (၂၆-၃-၂၀၂၀) ရက်နေ့တွင် အဆိုပါ လူနာထံမှ ဓာတ်ခွဲနမူနာရယူ၍ ပေးပို့စစ်ဆေးခဲ့ရာ (၂၇-၃-၂၀၂၀) ရက်နေ့တွင် ထုတ်ပြန်သည့် ဓာတ်ခွဲအဖြေအရ COVID-19 ရောဂါပိုး တွေ့ရှိ (တွေ့ရှိ) ရပါသည်။
---------------------------------------

7။ နေပြည်တော်မှ အသက်(၅၈)နှစ်အရွယ် ဆွစ်ဇာလန်နိုင်ငံသူ အမျိုးသမီးသည် (၁၇-၃-၂၀၂၀) ရက်နေ့တွင် ဆွစ်ဇာလန်နိုင်ငံ၊ ဂျီနီဗာမြို့မှ ဘန်ကောက်မြို့မှတစ်ဆင့် (၁၈-၃-၂၀၂၀) ရက်နေ့တွင် နေပြည်တော်အပြည်ပြည်ဆိုင်ရာလေဆိပ်သို့ရောက်ရှိခဲ့ပြီး ဟိုတယ်တစ်ခုတွင် သီးခြားနေထိုင်၍ Hotel Quarantine ဆောင်ရွက်စဉ် (၂၂-၃-၂၀၂၀) ရက်နေ့တွင် ဖျားခြင်း၊ ချောင်းဆိုးခြင်း၊ ဝမ်းသွားခြင်းလက္ခဏာများ ခံစားခဲ့ရသဖြင့် (၂၆-၃-၂၀၂၀) ရက်နေ့တွင် နေပြည်တော် ခုတင် (၁,၀၀၀) ဆံ့ အထွေထွေရောဂါကုဆေးရုံကြီးသို့ တက်ရောက် ဆေးကုသမှု ခံယူခဲ့ပါသည်။ အဆိုပါလူနာထံမှ (၂၆-၃-၂၀၂၀) ရက်နေ့တွင် ဓာတ်ခွဲနမူနာရယူ၍ ပေးပို့ စစ်ဆေးခဲ့ရာ (၂၇-၃-၂၀၂၀) ရက်နေ့တွင် ထုတ်ပြန်သောဓာတ်ခွဲအဖြေအရ COVID-19 ရောဂါပိုး တွေ့ရှိ (တွေ့ရှိ) ရပါသည်။ အဆိုပါလူနာသည် ဆွစ်ဇာလန်နိုင်ငံတွင် ရောက်ရှိစဉ် (၁၃-၃-၂၀၂၀) ရက်နေ့၌ COVID-19 ရောဂါ ဓာတ်ခွဲအတည်ပြုလူနာဖြစ်သော ၎င်း၏ ဖခင်နှင့် (၂) နာရီကြာ အနီးကပ် ထိတွေ့ခဲ့သည့်ရာဇဝင်ရှိကြောင်း သိရှိရပါသည်။
---------------------------------------

6။ ရန်ကုန်တိုင်းဒေသကြီး၊ အင်းစိန်မြို့နယ်မှ အသက် (၂၉) နှစ်အရွယ် အမျိုးသား (၁) ဦး သည် COVID-19 ရောဂါ ဓာတ်ခွဲအတည်ပြုလူနာ (Case -03) နှင့်အတူ ဘာဘေးဒိုးနိုင်ငံ၊ အင်္ဂလန်နိုင်ငံနှင့် ထိုင်းနိုင်ငံတို့မှ (၂၁-၃-၂၀၂၀) ရက်နေ့တွင် မြန်မာနိုင်ငံသို့ ပြန်လည်ရောက်ရှိ လာကြောင်းသိရှိရသဖြင့် ၎င်းအား ဝေဘာဂီအထူးကုဆေးရုံကြီးတွင် (၂၆-၃-၂၀၂၀) ရက်နေ့မှ စ၍ အသွားအလာတားမြစ်ပိတ်ပင်၍ စောင့်ကြပ်ကြည့်ရှုခဲ့ပါသည်။ အဆိုပါလူနာထံမှ (၂၆-၃-၂၀၂၀) ရက်နေ့တွင် ဓာတ်ခွဲနမူနာရယူ၍ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန် မြို့) သို့ပေးပို့စစ်ဆေးခဲ့ရာ (၂၇-၃-၂၀၂၀) ရက်နေ့တွင် ထုတ်ပြန်သော ဓာတ်ခွဲအဖြေအရ COVID-19 ရောဂါပိုး တွေ့ရှိ (တွေ့ရှိ) ရပါသည်။
---------------------------------------
*** သတင်းထုတ်ပြန်ခြင်း (၂၇-၃-၂၀၂၀) ရက်နေ့၊ နံနက် (၁) နာရီ (၄၅) မိနစ် ***

(05) ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်တွင် နေထိုင်သော အသက် (၆၉) နှစ် အရွယ် မြန်မာနိုင်ငံသား အမျိုးသားတစ်ဦးသည် နှာခေါင်းကင်ဆာရောဂါကို ဩစတြေးလျ နိုင်ငံတွင် (၁) လခန့် ဆေးကုသမှုခံယူခဲ့ပြီး မြန်မာနိုင်ငံသို့ အပြန်တွင် စင်္ကာပူနိုင်ငံ၌ (၄) ရက်ခန့် နေထိုင်ခဲ့ပြီးနောက် (၁၄-၃-၂၀၂၀) ရက်နေ့တွင် မြန်မာနိုင်ငံသို့ ပြန်လည်ရောက်ရှိ ခဲ့ပါသည်။ (၁၈-၃-၂၀၂၀) ရက်နေ့မှစတင်၍ ဖျားခြင်း၊ ချောင်းဆိုးခြင်းနှင့် လည်ချောင်းနာခြင်း လက္ခဏာများ ခံစားခဲ့ရသဖြင့် (၂၅-၃-၂၀၂၀) ရက်နေ့မှစတင်၍ ရန်ကုန်ပြည်သူ့ ဆေးရုံကြီး တွင် စောင့်ကြည့်လူနာအဖြစ် သီးခြားထားရှိ၍ အထူးကြပ်မတ်ခန်း (ICU) တွင် ကုသမှုပေးလျက်ရှိပါသည်။ အဆိုပါ လူနာထံမှ ဓာတ်ခွဲနမူနာအား ရယူခဲ့ပြီး အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) သို့ ပေးပို့ခဲ့ရာ (၂၆-၃-၂၀၂၀) ရက်နေ့တွင် စစ်ဆေးခဲ့သည့် ဓာတ်ခွဲ အဖြေအရ COVID-19 ရောဂါပိုး တွေ့ရှိ (တွေ့ရှိ) ပါသည်။

---------------------------------------
(04) မန္တလေးတိုင်းဒေသကြီး၊ ချမ်းမြသာစည်မြို့နယ်တွင် နေထိုင်သော အမေရိကန်နိုင်ငံသား ခံယူ ထားသော မြန်မာလူမျိုး၊ အသက် (၃၃) နှစ်ရွယ် အမျိုးသားတစ်ဦးသည် အမေရိကန်နိုင်ငံမှ မြန်မာနိုင်ငံ၊ ရန်ကုန်မြို့သို့ (၁၉-၃-၂၀၂၀) ရက်နေ့တွင် ပြန်လည် ရောက်ရှိခဲ့ ပါသည်။ (၂၂-၃-၂၀၂၀) ရက်နေ့မှစတင်၍ ဖျားခြင်း၊ ချောင်းဆိုးခြင်းနှင့် မောပန်းခြင်း လက္ခဏာ များ ခံစားခဲ့ရသဖြင့် (၂၅-၃-၂၀၂၀) ရက်နေ့တွင် မန္တလေးပြည်သူ့ဆေးရုံကြီးသို့ လာရောက် ပြသခဲ့ရာ ကန်တော်နဒီဆေးရုံသို့ လွှဲပြောင်း၍ စောင့်ကြည့်လူနာအဖြစ် သီးသန့်ခန်းတွင် ထားရှိ၍ ကုသမှုပေးလျက်ရှိပါသည်။ အဆိုပါလူနာထံမှ ဓာတ်ခွဲနမူနာရယူ၍ အမျိုးသား ကျန်းမာရေး ဓာတ်ခွဲမှုဆိုင်ရာဌာန (ရန်ကုန်) သို့ ပေးပို့စစ်ဆေးခဲ့ရာ (၂၆-၃-၂၀၂၀) ရက်နေ့ တွင် စစ်ဆေးခဲ့သည့် ဓာတ်ခွဲအဖြေအရ COVID-19 ရောဂါပိုး တွေ့ရှိ (တွေ့ရှိ) ရပါသည်။

- အဆိုပါလူနာသည် အမေရိကန်နိုင်ငံမှ မြန်မာနိုင်ငံ၊ ရန်ကုန်မြို့သို့ (၁၉-၃-၂၀၂၀)ရက်နေ့၊ ညနေ (၆) နာရီတွင် Qatar Airline ဖြင့် ပြန်လည်ရောက်ရှိခဲ့ပြီး တောင်ဥက္ကလာမြို့နယ်တွင် တစ်ည အိပ်နေထိုင်ခဲ့ကြောင်း (၂၀-၃-၂၀၂၀)ရက်နေ့၊ ည(၁၀)နာရီတွင် ရန်ကုန်မြို့မှ မန္တလေး မြို့သို့ ခိုင်မန္တလေး အဝေးပြေးမှန်လုံယာဉ်ဖြင့် သွားရောက်ခဲ့ပြီး ကားဂိတ်မှ ချမ်းမြသာစည် မြို့နယ်ရှိနေအိမ်သို့ မီနီအိုးဝေယာဉ်ဖြင့် သွားရောက်ခဲ့ကြောင်းသိရှိရပါသည်။

---------------------------------------
*** သတင်းထုတ်ပြန်ခြင်း (၂၅-၃-၂၀၂၀) ရက်နေ့၊ နံနက် (၀၁:၀၀) နာရီ ***
3 ။ အင်္ဂလန်နိုင်ငံမှ (၂၁-၃-၂၀၂၀) ရက်နေ့တွင် မြန်မာနိုင်ငံသို့ ထိုင်းနိုင်ငံ၊ သုဝဏ္ဏဘုမိလေဆိပ်မှတစ်ဆင့် လေကြောင်းခရီးဖြင့် ဝင်ရောက်လာခဲ့သည့် ရန်ကုန်တိုင်းဒေသကြီး၊ အင်းစိန်မြို့နယ်တွင် နေထိုင်နေသည့် မြန်မာနိုင်ငံသား အသက် (၂၆) နှစ်အရွယ် အမျိုးသားသည် ကိုယ်ပူဖျားနာခြင်းနှင့် ချောင်းဆိုးခြင်းရောဂါလက္ခဏာများဖြင့် (၂၃-၃-၂၀၂၀) ရက်နေ့၌ အင်းစိန်ပြည်သူ့ဆေးရုံတွင် စောင့်ကြည့်လူနာအဖြစ် သီးသန့်ခန်းတွင်ထားရှိ၍ (isolation) စောင့်ကြပ်ကုသမှု ခံယူခဲ့ပါသည်။
အဆိုပါလူနာထံမှ ဓာတ်ခွဲနမူနာအား (၂၄-၃-၂၀၂၀) ရက်နေ့တွင် ရယူခဲ့ပြီး အမျိုးသားကျန်းမာရေး ဓာတ်ခွဲမှုဆိုင်ရာဌာန (ရန်ကုန်) သို့ပေးပို့ခဲ့ရာ (၂၄-၃-၂၀၂၀) ရက်နေ့တွင် စစ်ဆေးခဲ့သည့် ဓာတ်ခွဲအဖြေအရ COVID-19 ရောဂါပိုး တွေ့ရှိ (တွေ့ရှိ) ရပါသည်။ (ဇယား - ၁)
---------------------------------------
***သတင်းထုတ်ပြန်ခြင်း (၂၃-၃-၂၀၂၀) ရက်နေ့၊ ည (၁၁:၄၅) နာရီ***

2 ။ အင်္ဂလန်နိုင်ငံမှ (၂၂-၃-၂၀၂၀) ရက်နေ့တွင် လေကြောင်းခရီးဖြင့် မြန်မာနိုင်ငံ၊ ရန်ကုန်အပြည်ပြည်ဆိုင်ရာလေဆိပ်သို့ ဝင်ရောက်လာခဲ့သည့် အသက် (၂၆) နှစ်အရွယ် မြန်မာနိုင်ငံသား အမျိုးသားအား ကျန်းမာရေးနှင့်အားကစားဝန်ကြီးဌာနမှ (၂၂-၃-၂၀၂၀) ရက်နေ့တွင် လှည်းကူးမြို့နယ်ရှိ ပြည်သူ့ကျန်းမာရေး ကွင်းဆင်းသင်တန်းကျောင်းတွင် အသွားအလာကန့်သတ် စောင့်ကြပ်ကြည့်ရှုခြင်း (quarantine) ကိုဆောင်ရွက်ခဲ့ကာ (၂၂-၃-၂၀၂၀) ရက်နေ့၊ ညပိုင်းတွင် မှော်ဘီမြို့နယ်ရှိ ဓမ္မဒူတ ဇေတဝန်တောရ ဆေကိန္ဒာရာမကျောင်းတိုက်တွင် ပြောင်းရွှေ့ပြီး အသွားအလာကန့်သတ် စောင့်ကြပ်ကြည့်ရှုခြင်း (quarantine) ကိုဆောင်ရွက်ခဲ့ပါသည်။ အဆိုပါအမျိုးသားသည် မြန်မာနိုင်ငံသို့ ရောက်ရှိခဲ့စဉ်မှ ယနေ့ညအထိ ကိုယ်ပူဖျားနာခြင်းနှင့် အသက်ရှူလမ်းကြောင်းဆိုင်ရာ ရောဂါလက္ခဏာများမရှိသော်လည်း ဓာတ်ခွဲနမူနာအား (၂၃-၃-၂၀၂၀) ရက်နေ့တွင် ရယူ၍ အမျိုးသားကျန်းမာရေး ဓာတ်ခွဲမှုဆိုင်ရာဌာန (ရန်ကုန်) သို့ပေးပို့စစ်ဆေးခဲ့ရာ ဓာတ်ခွဲအဖြေအရ COVID-19 ရောဂါပိုး တွေ့ရှိ (တွေ့ရှိ) ရပါသည်။
အဆိုပါအမျိုးသားအား (၂၃-၃-၂၀၂၀) ရက်နေ့၊ ညတွင် ဝေဘာဂီအထူးကုဆေးရုံသို့ လွှဲပြောင်းကာ သီးခြားထားရှိ (isolation) ၍ စနစ်တကျစောင့်ကြပ်ကုသလျက်ရှိပါသည်။

-------------------------------------
1 ။ အမေရိကန်နိုင်ငံမှ (၁၃-၃-၂၀၂၀) ရက်နေ့တွင် မြန်မာနိုင်ငံသို့ လေကြောင်းခရီးဖြင့် ဝင်ရောက်လာခဲ့သည့် ချင်းပြည်နယ်၊ တီးတိန်မြို့တွင် နေထိုင်နေသည့် မြန်မာနိုင်ငံသား အမေရိကန်နိုင်ငံမှ Green Card ရရှိထားသူ အသက် (၃၆) နှစ်အရွယ် အမျိုးသားသည် (၁၉-၃-၂၀၂၀) ရက်နေ့တွင် ကိုယ်အပူချိန်မြင့်တက်ဖျားနာခဲ့သဖြင့် Population Services International ဆေးခန်းတွင် သွားရောက်ပြသခဲ့ပြီးနောက် (၂၁-၃-၂၀၂၀) ရက်နေ့တွင် တီးတိန်မြို့နယ်ပြည်သူ့ဆေးရုံသို့ လွှဲပြောင်းခဲ့သဖြင့် စောင့်ကြည့်လူနာအဖြစ် သီးသန့်ခန်းတွင်ထားရှိ၍ (isolation) စောင့်ကြပ်ကုသမှု ပေးခဲ့ပါသည်။ အဆိုပါ လူနာတွင် ချောင်းဆိုးခြင်း အပါအဝင် အသက်ရှူလမ်းကြောင်းဆိုင်ရာ ရောဂါလက္ခဏာများမရှိခဲ့ပါ။
အဆိုပါလူနာထံမှ ဓာတ်ခွဲနမူနာအား (၂၂-၃-၂၀၂၀) ရက်နေ့တွင် ရယူခဲ့ပြီး အမျိုးသားကျန်းမာရေး ဓာတ်ခွဲမှုဆိုင်ရာဌာန (ရန်ကုန်) သို့ပေးပို့ခဲ့ရာ ယနေ့ (၂၃-၃-၂၀၂၀) ရက်နေ့တွင် စစ်ဆေးခဲ့သည့် ဓာတ်ခွဲအဖြေအရ COVID-19 ရောဂါပိုး တွေ့ရှိ (တွေ့ရှိ) ရပါသည်။
(၂၃-၃-၂၀၂၀) ရက်နေ့၊ ည (၁၁) နာရီအချိန် စမ်းသပ်စစ်ဆေးချက်အရ အဆိုပါအမျိုးသားလူနာ၏ ကျန်းမာရေးအခြေအနေမှာ ကိုယ်ပူဖျားနာခြင်းနှင့် အသက်ရှူလမ်းကြောင်းဆိုင်ရာ ရောဂါလက္ခဏာများမရှိဘဲ သက်သာလျက်ရှိပါသည်။ အဆိုပါ လူနာအား ချင်းပြည်နယ်၊ တီးတိန်ပြည်သူ့ဆေးရုံတွင် သီးခြားထားရှိ (isolation) ၍ စနစ်တကျစောင့်ကြပ်ကုသလျက်ရှိပါသည်။




Tuesday, June 11, 2019

အချိန်မရှိဘူး

originally written on March 23, 2019 ·
အချိန်မရှိဘူး။ ဟုတ်တယ်။ အချိန်မရှိဘူး။ အလုပ်တွေ ရှိသေးတယ်။ ရုံးအလုပ်တွေ။ နောက်ပြီး အိမ်အတွက် အလုပ်တွေ။ နောက် အလုပ် email တစ်ခု လား၊ ထားလိုက်အုံးကွာ။ fb ခဏဖွင့်။ ခေတ်ပြောင်းတော်လှန်ရေး ဆိုတာ ဆိုရှယ်လစ်စကား။ သယ်ရင်းတွေတော့ လည်နိုင်ကြတယ်။ အပန်းဖြေခရီး ဓါတ်ပုံတွေတင်ကြပြုကြ ဆိုတော့။ အင်းပါလေ ခေတ်က တိုးတက်လာတာကိုး။ ဖုန်းအသစ် ထွက်ပြန်ပြီ ခင်မျ။ နည်းပညာ တိုးတက်တာ မြန်လိုက်တာ။ ဖုန်းကို စိတ်ထဲကတောင် ထိန်းချုပ်လို့ ရမှာဆိုလားပဲ။ ဝေါင်း... ရေလည်မိုက်တယ်။ စျေးကတော့ ကြီးမှာပါပဲ။ စိတ်ထဲကနေ နင်ငါ့ကို လွမ်းလားလို့ မေးချင်တယ်။ နာမည်ခေါ်ပြီးတော့ တော့ မပြောတော့ဘူး။ ပြင်ပြောရပါမယ် tag မတွဲတော့ဘူးလို့။ အချစ်အကြောင်း မပြောချင်ဘူး ဆိုတော့ရော နိုင်ငံရေးတွေ ရှုတ်ထွေးတဲ့ နိုင်ငံမှာ သတင်းတွေကလည်း ရှုတ်ထွေးတယ်။ အတွေးတွေကလည်း ရှုတ်ထွေးတယ်။ aesthetic အတွေးခေါ် ကလည်း ခမ်းခြောက်လာသလို။ နောက်ထပ် ဆယ်မိနစ်လောက်တောင် အချိန်ပို မရှိဘူးလား။ အိပ်ငိုက်လွန်းလို့ပါ။ နောက်ဆုံးတော့ msn တွေ yahoo messenger တွေ လည်း ခေတ်ကုန်သွားတာပဲ။ ဘာမှမဆိုင်ဘူး။ ကိုယ့်အလုပ်ကိုယ်လုပ်။ ပုစ္ဆာတွေ ဖြေရှင်းရမယ်။ တွက်တတ်သည်ဖြစ်စေ မတတ်သည်ဖြစ်စေ။


Saturday, May 11, 2019

မာရု - တိုင်းပြည်

တိုင်းပြည်
၊၁၊
အရှေ့တောင်အာရှ ရဲ့ အညိုရောင်ညနေခင်းမှာပေါ့ .... ဧရာဝတီဟာ သူ အိန္ဒြေကို ပြသရင်း အသံမဲ့ စီးဆင်းလို့ ..... အဲသလို ၊ အမှောင်ရောင်တွေထဲ မြို့ပျက်ကြီး ပုဂံဟာလဲ သင်္ခါရ အခင်းအကျင်းတွေကိုပြသလို့ .. တိုင်းပြည်ဟာ တစ်မိုးချုပ်ဖို့ ပြင်ဆင်ပြီ ..။
တိုင်းပြည်ဟာ .... ဒီညနေညိုညိုမှာ သူ ဆံပင်အိုတွေကို ဖားလျားချ သူ ခန္ဓာ ကိုယ်ပေါ်က ခေတ်ဆိုးတွေ ရေးထိုးသွားတဲ့ ဆေးမင်ကြောင် အမာရွတ်တွေကို ပွတ်သပ်ရင်း သူဆိုနေကျ အလွမ်းသီချင်းကို ဘယ်သူမှမကြားအောင် ဆိုလိုက်တယ် ...။
တိုင်းပြည်ဟာ ... သူ ချွေးခံအကျိဟောင်းကြီးထဲ ဝမ်းနည်းဖွယ်ရနံတွေနဲ့ တွန်.တွန့်ကျေ ရာဇဝင်တွေကို လူမြင်မခံရဲတာမို. သက်ပြင်းတွေချလို့။ နေတဓူဝ ••••
တိုင်းပြည်ဟာ ... ဘဝ တလျှောက်လုံး ခပ်ညံ့ညံ့ အစိုးရတွေနဲ့ သာ အလိုမတူဘဲ ပေါင်းဖက်ခဲ့ရသမို့ ခပ်ညံ့ညံ့တိုင်းပြည်လို့ အခေါ်ခံရတာကို ရှက်ပေမယ့်လည်း သူ့ခမျာ မရှက်နိုင်တော့ဘူးတဲ့ ...။


တိုင်းပြည်ဟာ ..။ အာရှမှာ ကျားတွေ တစ်ကောင်ပြီးတစ်ကောင် ပေါက်ဖွားကြီးမားလာခဲ့ပေမယ့်၊ သူ မှာက ... ။ ခွေးအဆင် သာသာ ရှိတာမို. တစ်ပါးတိုင်းသားတို့ သူ့မြေပေါ် အလည်လာတဲ့အခါ မျက်နှာကို ဝှက်ပြီး အိပ်ချင်ယောင် ဆောင်ရသတဲ့ ...။
တိုင်းပြည်ဟာ ... လ ကမ္ဘာပေါ်ကို ခဏခဏ တက်တဲ့တိုင်းပြည်လို မထင်ပေါ်ချင်ပေမယ့် ပြဿနာတွေ ခဏခဏ တက်တဲ့တိုင်း ပြည်လို့
ကျော်စောမှာတော့ ရှက်လှသတဲ့ ......။
တိုင်းပြည်ဟာ .. မွေးကာစကတဲက မွေးရာပါအလှတွေနဲ့ ပြီးပြည့်စုံပါရက်ကနဲ့ ဒီလူတွေလုပ်ကာမှ နဂို ရှိသော်လဲ၊ နဂိုင်း မထွက်ရရှာလို့ ဝဋ်နာကံနာ လို ဘဲ မှတ်ယူထားပါသတဲ့ ....
တိုင်းပြည်ဟာ ...။ အကျဉ်းစခန်း တွေထဲ အစိုးရ လုပ်မယ့်သူတွေကို ထောင်ချပြီး ... ထောင်ကျရမယ့်သူတွေက အစိုးရ လုပ်နေကြတာကိုလဲ နည်းနည်းမှ မကျေနပ်ဘူးတဲ့ .....။


တိုင်းပြည်ဟာ ... မြန်မြန် သေရမယ့် သူတွေက ကြာကြာ နေရပြီး ... ကြာကြာ နေရမယ့် သူတွေက မြန်မြန် သေနေကြတာလည်း နားမလည်နိုင်ဘူးတဲ့...။
တိုင်းပြည်ဟာ ... သူရင်ဘတ်လက်ပွေ့အိတ်ထဲက အတွင်းကြေကြေ နေတဲ့ ကလေးတွေရဲ့ အနာဂတ်ကို လူတွေ့တိုင်း ထုတ်ထုတ်ပြ၊ ဒီလူတွေ ကိုယ်၌က တဘဝလုံး ကြေမွနေတော့ကာ သူခမျာ ငိုရသတဲ့ .....။
ဒီလိုနဲ့ တိုင်းပြည်ဟာ အခု တလော ရင်တမောမော နဲ. အဝေးပျံ ခွပ်ဒေါင်းတို့ရဲ့
အောင်ပွဲသံကို နားစွင့်ရင်း သပြေခင်းလေး ပျိုးထားသတဲ့ ......။
ဒီလိုနဲ့ ..... တိုင်းပြည်ဟာ အိုမင်းလွန်း လှပေါ့ .........။ ။


၊ ၂၊
မြန်မာပြည်မှာက ငှက်ဖျား ပေါတယ် ...။
ခွေးလေ ခွေးလွင့် သူတောင်းစား နဲ့ ဆင်းရဲသား ပေါတယ် ....။ ခြင် ယင်ကောင်
သူခိုး နဲ့ အလှုခံလည်း ပေါတယ် ....။ ဘုန်းကြီး စစ်သား ဘိန်းသမား နဲ့ ကပ်ဖား ယပ်ဖား အချောင်သမားလဲပေါ .... အရည်အချင်း မရှိဘဲ ခေါင်းဆောင် လုပ်ချင်သူလဲပေါ ...။
မရယ်ရတဲ့ လူပျက်တွေနဲ့ အသုံးမကျတဲ့ အကယ်ဒမီ တွေလဲပေါ .. ခါတော်မှီ ကော်ပီ သီချင်းတွေနဲ့
ထောက်လှမ်းရေး တွေလဲပါတယ်ပေါ့ .......။
ဒီမိုကရေစီသမား တွေပေါသလို ကြံ့ဖွတ်တွေလဲပေါ... ဗိုလ်ချုပ်ကြီးတွေ ပေါသလို ထောင်သားတွေလဲ ပေါတယ်ပေါ့ ...။
ဆေး အတု ဆီ အတု ရွေးကောက်ပွဲ အတု အမဲခြောက် အတုနဲ. နိုင်ငံရေးသမား အတုတွေလဲပေါ ...။
ဥပဒေ အတု အစိုးရ အတု ပညာတတ် အတုနဲ့ ရဲရဲတောက် အတုတွေလဲပေါ•••
တကယ်တော့ မြန်မာပြည်ဆိုတာ ... လူ့ အခွင့် အရေး ရှားပါးလွန်းတာကလွဲလို့ ကျန်တာတွေအကုန်ပေါတဲ့ အရပ်ဆိုပါတော့ .......။


၊၃၊
ဆင်းရဲခြင်း သမုဒ္ဒရာရဲ့ ကြမ်းပြင်အောက် ရာဇဝင်မတွင်တဲ့ သင်္ဘောပျက်တွေထဲ သံချေးတက် ယဉ်ကျေးမှုများ နဲ့ သောင်တင် ငုပ်လျှိုးနေသူများရဲ့ ဘဝဟာ အသံမမြည်တဲ့ အိပ်မက်တွေနဲ့ . ပုပ်ပွ ...
ဖြစ်ရပုံက... ဒီနိုင်ငံငယ်လေးထဲ ကုလို့ သလို့ မရတဲ့ နိုင်ငံရေးရောဂါတွေကထူပြော ခေတ်အဆက်ဆက် ခပ်ချာချာဒဏ္ဍာရီ တွေနဲ့ ရင်ခုံ လူညံ့ တွေသာစုပြုံ လာခဲ့ တယ် ....။
ဒီအရပ်မှာ ပေါ့ .. အုပ်ချုပ်သူ ဆိုတာ ဖိနှိပ်သူလို့ အဓိပ္ပါယ်ရသတဲ့ ... ဖိနှိပ်သူ ဆိုတာကို ရက်စက်သူလို့ တော့ ဘာသာမပြန်လိုက်ကြနဲ့ မွေးရာပါ ယုတ်မာသူများသာ ဖြစ်ကြလေတယ် ..။
လူယုတ်မာတွေလေ .. တဗိုလ်ကျ တဗိုလ်တက်နဲ့ တိုင်းပြည်ကို နှိပ်စက်လာ ပညာမဲ သူတို. ပွားများ ဆင်းရဲခြင်းတို့ ကြွယ်ဝခမ်းနား အဓမ္မတရား ထွန်းကားရာ အန္တရာယ်တရား. ကြွထရာ အမှားတရားသာ အမှန်ဖြစ်ရာ ကံကြမ္မာတို့ မြုံအ ရာ ဒီအရပ်ဟာလေ .. စုတ်ပြတ်သပ်ခဲ့ ပေါ့ ...
ဒီလိုနဲ့ ... အမှည့် လွန် နေ တဲ့ ခေတ် တွေ ဟာ
ဆောင်း ဦး ပေါက်ရာသီလို ဒို့ဆီကို အရောက်နောက်ကျခဲ့ ဒီလိုနဲ့ ... ဒုက္ခဆိုတဲ့ မာကျောကျော အမွေတွေနဲ့
တော်လှန်ရေးကို ထုဆစ်ခဲ့ ရံဖန် ရံခါ ... ။
မာရု
(ပန်းစကား)


Wednesday, April 10, 2019

ဘဝကြီးပဲ ဖျားနေလား

Actually written on September 2, 2018 ·
ပဋိဇီဝဆေးတွေ တစ်လုံးပြီး တစ်လုံး
ကမ္ဘာကြီးပဲ ဖျားနေလား ဘဝကြီးပဲ ဖျားနေလား မသဲကွဲဘူး
ပိုးမွှားတွေနဲ့ နေ့ရက်တွေ တဆစ်ဆစ် လှိုက်စားသွားတဲ့ အခါ
ကမ္ဘာ့ဒြပ်ဆွဲအားကပဲ ယိုင်လာနေသလို ဘဝကြီးကပဲ ယိုင်လာနေသလိုပဲ
ဟိုး... အဝေးကြီးမှာ တိတ်ဆိပ်ခြင်းမှာ အသက်ရှူသံ ။
အရောင်တွေ တဖျက်ဖျက်လက် ကြယ်ပွင့်တွေ ကြွေ ဒီ ခန္ဓာကိုယ်က လေးလံပိကျလာတယ်
အခါး ပါးစပ်ထဲက အခါး ဘဝထဲက အခါး ရင်ဘတ်ထဲက အခါးတွေ
အနက်ရောင် ခါးသက်ခြင်းတွေထဲ ကနေ ရုန်းကန်ရင်းပဲ
အဲ့ဒီ ပိုးမွှားတွေ နဲ့ မောဟိုက်နေတဲ့ အသံ။ အဝီဝီ ကြိတ်ခြေနေသလို ခေါင်းထဲမှ လှည့်ပတ်နေတဲ့အသံ
ဟင်းလင်းပြင်။ လွင့်ခနဲ ကျသွားတယ်။ ရင်ဘတ်တခုလုံး ဟင်းလင်းပွင့်သွားသလို။
အော်ခေါ်နေမိတယ်။ လွင့်မြောနေတဲ့ တစစီဖြစ်သွားတဲ စိတ်အာရုံထဲမှာ
အာခေါင်ခြစ်ပြီး အသံတိပ် အော်နေမိတဲ့ နာရီ စက္ကန့်
ည၊ အမှောင်။ အလင်းရောင်။ နာရီသံ။ အားလုံး လေးတိလေးကန်နိုင်လွန်းတယ်
နံရံတွေ ပါးလွှာလွန်းတယ်။ တံခါးတွေ ပိတ်ထားလိုက်ပါလား။ အားလုံး ဆူညံလွန်းလို့ပါ။
ဖရိုဖရဲ လွင့်ပျံနေတဲ့ အရိပ်တွေ ယိမ်းထိုး နေကြ။ ဒြပ်ဆွဲအားရဲ့ လားရာမဲ့ ဝဲဩဃ တစ်ခုလို
နေ့ရယ်မသိ ညရယ်မရှိ အလင်းတွေ ကွယ်ပျောက်။
ရီဝေနေတဲ့ အမြင်အာရုံမှာ နုတ်ဆက်အလွမ်း။
() .

Tuesday, April 09, 2019

ကြေကွဲနေတဲ့ ရာသီဥတု

Actually written on April 9, 2018 ·
ခြောက်သွေ့ ကြေကွဲနေတဲ့ ရာသီဥတု
သွေးကြောတွေထဲထိ စီးဝင်သွားကြတယ်
ဒါဏ်ရာဟောင်းတွေ ပြန်လည်နိုးထ
နှလုံးသားထဲက နင့်ကိုသတိရ
လှို့ဝှက်ဆန်းကြယ်အိပ်မက်ထဲမှာ
တစ်ယောက်ထဲ ပိတ်မိနေသလို
နှစ်ပေါင်းတစ်သောင်းက ဝိညာဉ်တို့ရေ
ငါနဲ့ အဖေါ်ပြုလှည့်ပါ။
( )

Sunday, March 25, 2018

was it time separated us?

u n i, was it time separated us? different time, different places and thus always fail to meet. our lives were not parallel though. we could meet up but fate, it seems, is the one separated us. the irony is that life become just to miss u throughout of it. but love inside cannot be faded. i searched for you everywhere at everything even in my dreams. but u were not there and i was left with broken dreams in hand. level of separation just increased with time, a wall hard to break and i.
(2018-Jan-09)

Tuesday, August 22, 2017

How phone camera sees aircraft propellers

I took the following photos a few years ago. Although I thought it was because of the way phone camera works, I don't know exactly how it happened. Now, I found a video explaining why the propeller blades appear like that.