Saturday, December 24, 2011

Win 7 tips

file icon

windows 7 မှာ လွယ်ပေမယ့် မသိရင် ဘယ်လိုလုပ်ရမှန်း မသိတာလေး နှစ်ခုပါ။


ပထမတစ်ခုက အရင်windows တွေမှာ file name တွေရဲ့ font ပြောင်းချင်ရင်
desktop » right click » properties » appearance tab ဆိုပြီး သွားနေကျ။ ဟိုတနေ့က  file nameတွေကို မြန်မာလို ပေးရအောင် ယွန်းချို font ပြောင်းမယ် လုပ်တော့ ဘယ်လိုမှ ရှာမရဘူး။ အင်တာနတ်ကနေ ရှာဖတ်ရတယ်။





ဒီလိုတဲ့



desktop » right click » personalize » ဟိုအောက်ဆုံးက window color



အဲ့ဒီမှာမှ...




change icon font win 7


အဲ့သလို မမြင်သာအောင်ရေးထားတဲ့ စာသားလေးကို နှိပ်တော့မှ



မိတ်ဆွေဟောင်းကြီးကိုတွေ့ရတယ်။



appearance



အဲ့တော့မှ ပြင်ချင်တာ ပြင်လို့ရပြီ။ :)



---------------------



favorite win 7

နောက်တခုကတော့ windows 7 ရဲ့ feature အသစ်လေး။



ဘယ်ဘက် side bar ရဲ့ favorite ထဲမှာ folder shortcut လေးတွေ ထည့်ချင်ရင်  favorite ပေါ်မှာ right click » add current location to favorite ဆိုပြီး လုပ်ရတာ သိတယ်မှုတ်လား။





အဲ့ဒီမှာ program shortcut တွေလည်း ထည့်လို့ ရတယ်။



%userprofile%  folder ကိုသွားလိုက်။ အဲ့ဒီမှာ Links ဆိုတဲ့ folder ကိုတွေ့လိမ့်မယ်။ အဲ့ဒီထဲကို ကိုယ်ထားချင်တဲ့ program shortcut ကို ကူးထည့်ပေးလိုက်ပါ။



အရမ်း အသုံးကျတယ်။



Sunday, November 27, 2011

Dear Thet Thet


သက်သက်ရေ... ဆောင်းကိုလည်း ရောက်ပြန်ပြီပေါ့။ ပြောမယ့်သာပြောရတာပါ ရန်ကုန်ဆောင်းကတော့ ပူတယ်။ တခါတခါကတော့လည်း လွမ်းမိတယ်။ ဟိုးအဝေးကြီးက ဆီးနှင်းတွေ ကျတဲ့ အရပ်ကို။ ။ဒါပေမယ့် သက်သက်ရယ်... မြန်မာနိုင်ငံမှာ လမ်းတွေ စုတ်ပြတ်သတ်နေတာပဲ။ ငါကတော့ နင့်ကို အမြဲ သတိရပါတယ်။ ကမ္ဘာမှာ စစ်မက်တွေ မပွားတော့ရင် စစ်တပ်ဆိုတာ မလိုတော့ဘူးပေါ့။ အခုထိတော့ လူသားတွေရဲ့ civilization လုံလုံလောက်လောက် မမြင့်မားသေးတာသေချာတယ်။ နယူထရီနိုက အလင်းထက်မြန်တယ်ဆိုတာလည်း မသေချာသေးပါဘူး သက်သက်ရယ်။ နင့်စိတ်ထဲမှာ ငါတို့ တနေ့နေ့ ပြန်ဆုံဖြစ်ကြမယ်လို့ မထင်ဘူးလား။ အချိန်တွေကတော့ ဘယ်တော့မှ နောက်ပြန် စီးဆင်းမှာ မဟုတ်ပါဘူး။ ငြိမ်းချမ်းရေး၊ သဘာဝ ပါတ်ဝန်းကျင်၊ လူသားချင်း စာနာထောက်ထားမှု၊ တွေဆုံဆွေးနွေးရေး၊ ဘာညာဘာညာနဲ့ စကားလုံးတွေထက် လက်တွေ့က နဲနေသေးတယ် ဆိုတာ နင်လည်း သတင်းတွေမှာ တွေ့မှာပေါ့။ ဟိုတလောက နင်တို့ဆီမှာ မိုးတွေ အရမ်းရွာတယ်ဆို။ ငါ့ဘဝကြီးကတော့ မအေးချမ်းသေးပါဘူး။ ဒီနောက်ပိုင်း သီချင်းတွေတောင် သိပ်နားမထောင်ဖြစ်တော့ဘူး။ အခုတော့ ငါ့စိတ်ထဲမှာ human ဆိုတဲ့ metallica သီးချင်းကို ဆိုနေမိတယ်။ .ကမ္ဘာကြီးမှာ လူသားပေါက်ပွားနှုန်းက တစ်မိနစ်ကို နှစ်သိန်းခွဲလောက် ရှိတယ်။ ဒါ ဂေဟစံနစ်ကို ထိခိုက်စေတယ်။ ဒီလူသားတွေကပဲ ဂေဟစံနစ်ကို ကာကွယ်မယ် ဘာညာနဲ့။ တကယ်တော့ ဘယ်အရာကရော တကယ်ရှိလို့လဲ။ စတိဗ်ဂျော့ ဆုံးသွာတာကို လူတိုင်း စိတ်မကောင်းကြဘူး။ နောက်ဆုံးတော့ စတိဗ်ဂျော့ ပဲ ဖြစ်ဖြစ် မာသာထရီဇာပဲ ဖြစ်ဖြစ် လူအားလုံးက သေခြင်းရဲ့ သားကောင်ပဲ။ လူအားလုံး သားကောင်ပဲ။ လူတွေမလဲပဲ အသက်ရှင်ဆဲကာလမှာတော့ အိပ်မက်တွေနောက် လိုက်ရင်း မောကြတယ်။ u know what. human life is full of sufferings and miseries and entropy of the universe is always increasing လေ။ but, without u... universe is moving on without u beside me. သက်သက်ရေ ... နင့်ကို လွမ်းမိရင် မန္တလေးဆောင်းရဲ့ မနက်အစောကြီး မြူနှင်းတွေ အုံးဆိုင်းအေးစက်တဲ့ နေ့ရက်တွေကို လည်းသတိရတယ်။ မြူနှင်းတွေလိုပဲ ခံစားချက်တွေ ရင်ထဲမှာ အလိပ်လိုက် ပြိုဆင်းကျနေတဲ့ နေ့တွေပေါ့။



Sunday, October 30, 2011

Life is ...

လမ်းမပေါ်မှာ ငါ အထီးကျန်လွန်းတယ်။
စိတ်ရဲ့ ထွက်ပေါက်မှာ ရုန်းကန်ရင်း မောတယ်။
နုပျိုဆဲ ခံစားချက်တွေနဲ့ သက်တမ်းတွေရင့်ရော်လာခဲ့ပြီ။



Life is ...

လမ်းမပေါ်မှာ ငါ အထီးကျန်လွန်းတယ်။
စိတ်ရဲ့ ထွက်ပေါက်မှာ ရုန်းကန်ရင်း မောတယ်။
နုပျိုဆဲ ခံစားချက်တွေနဲ့ သက်တမ်းတွေရင့်ရော်လာခဲ့ပြီ။



Saturday, October 01, 2011

Irrawaddy River was saved

I’m very happy to know that U Thein Sein listened the voice of people to stop Myitsone dam project. I wish the amnesty for political prisoners be on the way too.

myitsone
Myitsone area seen from Google Earth
To view it on Google Earth, use the following kmz file.
kmz

Tuesday, September 27, 2011

Ho Ho D D

blog မရေးဖြစ်တာ အရမ်း ကြာသွားပြန်ပြီ။ အဖေ ဆေးရုံတက်နေရတာက ရက်တွေရှည်လာတယ်။ ဦးနှောက်ရောင်တာ ဆိုတော့ အတော်ဆုံး ဆရာဝန်နဲ့ ကုတာတောင် သိသာတဲ့ တိုးတက်မှု မရှိဘူး။ aging ဆိုတာကလည်း cell တစ်ခုချင်းတိုင်း ရဲ့ ယိုယွင်းမှုပဲလေ။ အသက်ကြီးရင် ကုရခက်တယ်ပေါ့။ စိတ်လည်း အရမ်းညစ်ရတယ်။ ရင်ထဲမှာတော့ စိတ်ညစ်ခြင်းတွေပဲ ပြန့်ကျဲနေတယ်။ ဘဝက မှိန် မှိန်လာတယ်။ ဘယ်လိုပဲ ဖြစ်ဖြစ် လူ့ဘဝ ဆိုတော့လည်း ဒီလို နာကျင်မှုတွေ ရှိတာ ခံယူတတ်ရမယ် ထင်ပါရဲ့။ ရင်ထဲက လာတဲ့ အဖြေမရှိတဲ့ မေးခွန်းတွေ နဲ့လည်း နေတတ်ရအုံးမယ်။ စိတ်ဆန္ဒတွေ နောက် လိုက်ရင်း မောနေရတဲ့ လူသား ဘဝပါပဲ။


ဒီနောက်ပိုင်း နိုင်ငံရေး ကိစ္စတွေတောင် မပြောဖြစ်တာကြပြီ။ သိန်းစိန် အစိုးရကို မျှော်လင့် ကြတဲ့ လူတွေက မျှော်လင့် ကြတယ်။ သန်းရွှေ ခေတ်က ဖမ်းထားတဲ့ နိုင်ငံရေး အကျဉ်းသမားတွေ လွှတ်မပေးမှတော့ သူတို့ရဲ့ ရုပ်သွင်က ရှင်းနေတာပဲ။ အန်တီစုနဲ့ ပါတ်သတ်ပြီး ပြောင်းလဲလာတာတော့ ကြိုဆိုပါတယ်။ အန်တီစုကို ပြည်တွင်းဂျာနယ်တွေမှာ ရှေ့ဆုံးက ပုံအကြီးကြီးနဲ့ interview တွေ ဆောင်းပါးတွေ မှာ​တွေ့လာရတယ်။ နိုင်ငံရေး အကြံပေးတွေ ဘာတွေရဲ့ တိုက်တွန်းမှုတွေ ပဲလို့ထင်ပါတယ်။ နိုင်ငံအတွက် ထိရောက်တဲ့ ပြောင်းလဲမှုတွေ ဖြစ်လာဖို့တော့ လိုနေသေးတယ်။


Internet censorship ကိုတော့ တော်တော် လျှော့ပေးလိုက်တာပဲ။ irrawaddy, mizzima, bbc, စတဲ့ သတင်းsite တွေကအစ ဖွင့်ပေးလိုက်တယ်။


ဧရာဝတီ မြစ်ဆုံ ရေကာတာ ကိစ္စကလည်း ပြည်သူတွေ ဒီလောက် ကန့်ကွက်နေတာတောင်ဇော်မင်းဆိုတဲ့ အောက်တန်းစားဝန်ကြီးက လူမိုက်ဆန်ဆန် သူလုပ်ချင်တာ လုပ်မယ်ဆိုတာ ပြောသွားတယ်။ နိုင်ငံရဲ့ သဘာဝ ပန်းဝန်းကျင်ကို ရောင်းစားနေတဲ့ တနပ်စား သမား အောက်တန်းစားတွေပဲ။


ဒီ blogရဲ့comment တွေ လောလောဆယ်ပိတ်ထားတယ်။ ဟိုရက်ပိုင်းက spam bot တွေ သောင်းကျန်းသွားတာ comment နှစ်သောင်းကျော် ဝင်လာတယ်။ ဒီတိုင်းတော့ အဲ့ဒါတွေ ဘယ်လို ဖျက်ရမှန်းကိုမသိဘူး။ database မှာ comment table ကို empty လုပ်ပလိုက်ရတယ်။ comment အစစ်ကလည်း နှစ်ခုသုံးခုပဲ ရှိတာပါ။ အဲဒါပါ ပါသွားတယ်။ မတတ်နိုင်တော့ဘူး။

.

Thursday, June 30, 2011

Specialists

ဒီလ တလလုံး ပို့စ် တစ်ခုမှ မရေးဖြစ်သေးဘူး။ တကယ်က ရေးချင်တဲ့ topic တွေ သုံးလေးခု ရှိနေတယ်။ မရေးဖြစ်တာ။ အဖေနေမကောင်းတာလည်း မရေးဖြစ်တဲ့ အကြောင်းတစ်ရပ်ပါပဲ။ လမကုန်ခင် တစ်ခုလောက်တော့ ဆွဲထုတ်ပြီး ခပ်တိုတိုပဲ ရေးလိုက်မယ်။
ဒီတလော fbမှာ ဆရာဝန်တစ်ချို့ရေးထားကြတာကို နဲနဲ ပြောချင်နေတာ။ တစ်ယောက်က ရေးတာက သူတို့ ဆရာဝန်တွေက နင်းပြားတဲ့၊ လူတွေကပဲ သူတို့ကို အနိုင်ကျင့်နေသယောင် ရေးထားတယ်။ သူပြောသလို မြန်မာပြည်မှာ လူတွေက ဆရာဝန်တွေရဲ့ အမှားကို တရားစွဲတာမျိုးတော့ မကြားဖူးတာ အမှန်ပဲ။ ခိုင်ရွှန်းလဲ့ရည် ကိစ္စကိုလည်း ပြန်အစဖော်ထားသေးတယ်။ ဆရာဝန်ကြီး ၅နှစ် အပိတ်ခံရတာ နစ်နာရတယ်ဆိုတာမျိုး ပြောထားတယ်။
ပြောချင်တာက ဒီက အထူးကု ဆရာဝန်ကြီးတွေကိုပါ။ အားလုံးလို့ သိမ်းကြုံးပြီး မပြောချင်ပေမယ့် “အများစု” လို့တော့ ပြောရမယ်။ သူတိုက လူနာနဲ့ လူနာရှင်ကို အချိန်ပေးပြီး စကား မပြောသလို သေချာ ရှင်းပြချင်စိတ်လည်း မရှိကြဘူး။ သူတို့ဟာသူတို့ ပညာမာန် တက်နေကြတာပါပဲ။ I know everything. I don't need to listen to you. I have no time to talk to you. ဆိုတဲ့သဘောမျိုး ပါပဲ။
ကျနော့် အမ London မှာ ဆေးရုံတက် ခွဲစိတ်မှု ခံယူတုန်းက အကြောင်း ပြောပြချင်တယ်။ အဲ့ဒီတုန်းက ကျနော်က လူနာကိုစောင့်ရှောက်တဲ့ လူနာရှင် ဆိုပေမယ့် ချာတိတ်ပဲ ရှိပါသေးတယ်။ မခွဲခင်ညမှာ ခွဲစိတ်မယ့် ဆရာဝန်ကြီးကိုယ်တိုင်လာပြီး သူတို့ ဘယ်လို ခွဲစိတ်မယ် ဆိုတာ ပုံဆွဲ့ပြီးတော့ သေချာရှင်းပြပါတယ်။ မေးသမျှလည်း သေချာဖြေပါတယ်။ မြန်မာပြည်မှာ အဲ့သလို ဆရာဝန် ရှားပါတယ်။
မန္တလေးက စာရေးဆရာတယောက်က မျက်စိခွဲတာ ဆေးရုံမှာရှိနေတုန်း ခွဲပြီးနောက် နေ့တိုင်း ကောင်းကောင်း မမြင်ရဘူးဆိုတာ ပြောပေမယ့် ဆေးရုံဆင်းမယ့်နေ့မှာ မမြင်ရဘူးပြောတော့ ‘ခင်ဗျား အစက ဘာလို့ မပြောသလဲ’ ဆိုပြီး ပြောပါသတဲ့။ လူနာပြောစကားကို ဂရုမစိုက်တဲ့ ဆရာဝန်ပါ။



Thursday, May 19, 2011

MyanmarConverter extension

Keith Stribley

ဒီ ပို့စ်ကို တပိုင်းတစ ရေးထားတာကြာပြီ။ နောက်ကျတော့ နဲနဲတော့ out of date ဖြစ်နေပြီဆိုပြီး ဆက်မရေးဖြစ်ဘူး။ နောက်ကျတော့ ဒီ extension ကိုရေးတဲ့ Keith Stribleyဟာ 15Feb2011 မှာ ဆုံးသွားတဲ့ သတင်းကို ကြားရပြန်တယ်။ သူက မြန်မာယူနီကုတ် အတွက် ဟိုးအစောကြီးကတည်းက www.thanlwinsoft.org ကိုတည်ထောင်ပြီး လုပ်ခဲ့တာ။ ဒီလို ပညာရှင်တစ်ယောက် ဒီလိုအရွယ်မှာ ဆိုးရှုံးရတာ အရမ်း ဝမ်းနည်းစရာ ကောင်းလှပါတယ်။ မြန်မာစာ ယူနီကုတ် အတွက် အများကြီး လုပ်ပေးသွားတဲ့ နိုင်ငံခြားသား ပညာရှင်တစ်ယောက်ပါပဲ။ (Keith Stribley ဟာ Englandမှာ ၁၉၇၆ခုနှစ် တွင် မွေးဖွားပြီး ကွယ်လွန်ချိန်မှာ ဇနီးဖြစ်သူ ဒေါ်ခိုင်ဇာဝင်း နှင့် သမီး ရေဗက္ကာလင်း တို့ ကျန်ရစ်သည်ဟုသိရသည်။)


MyanmarConverter


MyanmarConverter ဆိုတဲ့ firefox extension ကို သုံးနေတာကြာပြီ။ အရမ်းလည်း အဆင်ပြေတယ်။ ဒီ extension သုံးနေရင် zawgyi-one ကို လုံးဝ စွန့်ခွာလို့ရတယ်။ facebook လိုsite မျိုးမှာဆို တစ်ချို့က Unicode သုံးတယ် အများစုက zawgyi-one သုံးနေတယ်။ ဒီလို တစ်မျက်နှာထဲမှာ font နှစ်မျိုးရှိနေပြီး html tag နဲ့လည်း font define လုပ်ပေးမထားတာမျိုး ဆိုတော့ ဂွကျတယ်။ ဒီ extension သုံးလိုက်တော့ အရမ်း အဆင်ပြေသွားတယ်။ တစ်မျက်နှာလုံးကို Unicode ပြောင်းပေးတယ်။
ဒီ extension အကြောင်း ပြောပြမယ်ဆိုပေမယ့် မိတ်ဆက်ပေးတဲ့ သဘောပါ။ instruction အပြည့်အစုံ ကတော့ official site မှာ ဖတ်လို့ ရပါတယ်။


ကဲပထမဆုံး firefox option မှာ zawgyi-one သုံးခိုင်းထားတာတွေကို myanmar3 တို့ ယွန်းချို တို့လို တစ်မျိုးမျိုးနဲ့ ပြောင်းလိုက်ပါ။


extensionရဲ့ option မှာ ကြည့်ရအောင်။ ကျွန်တော် ပထမစသုံးသုံးချင်းက သိပ်မသိသေးတော့ "enable conversion by default" ကို ရွေးထားခဲ့တယ်။


unicode converter


ပြဿနာက စက်လေးသွာတယ်။ ကျွန်တော့်စက်ကလည်း အမြန်စားကြီးမှ မဟုတ်တာကိုး။ သူကဘာ pageပဲဖွင့်ဖွင့် မြန်မာ character ရှိလားဆိုတာ detect လုပ်တယ်။ သူက ဟိုအရင်က ascii font လို့ခေါ်တဲ့ ဝင်းအင်းဝတို့ wwin_burmese တို့ကိုတောင် detect လုပ်နိုင်ပါတယ်။ အဲ့လို Unicode မဟုတ်တဲ့ မြန်မာစာ တွေ့တာနဲ့ convert လုပ်ပါတယ်။ အရမ်းတော့ smart ဖြစ်ပါရဲ့ ကျွန်တော့်စက် ကသိပ်မနိုင်ဘူး။


နောက်မှ auto detect မလုပ်ခိုင်းတဲ့ option နှစ်နည်း ကိုသိသွားတယ်။ အရင်ဆုံး "enable conversion by default" ကို uncheck လုပ်ပါ
ဒီနည်းက ကိုယ်ပြောင်းစေချင်တဲ့ exact page သို့မဟုတ် domainကို ထည့်ထားတဲ့ နည်းပါ။


ဥပမာ တစ်။ ။ facebook


hostname မှာ facebook.com ထည့်မယ်။ path name ဘာမှ မထည့်ရင် domainwise ပေါ့။ facebook.com တစ်ခုလုံး ဘယ် pageဖွင်ဖွင့် ပြောင်းပေးပါလိမ့်မယ်။


ဥပမာ နှစ်။ ။ google reader


hostname မှာ google.com ဖြည့်မယ်။ ဒါပေမယ့် google.com အောက်ကpage ဟူသမျှပြောင်းဖို့ မလိုဘူး။ ကိုယ်ပြောင်းချင်တာက google reader တစ်ခုတည်းပြောင်းရမှာကိုး။ ဒါဆို path name မှာ /reader/view/ ဆိုတာလေး ထည့်ပေးလိုက်ပါ။


ဒီလိုလေး သုံးလိုက်တော့ site ဟူသမျှ detect လုပ်စရာမလိုတော့ဘူ။ ဒါလည်း facebook နဲ့ google reader ဖွင့်ရင် လေးသေးတယ် ဆိုရင် manual နည်းရှိသေးတယ်။ တစ်မျက်နှာလုံးမှ zawgyi နဲ့နဲနဲပဲ ပါတယ်ဆို အဲ့ဒီ စာသားလေးကိုပဲ select လုပ်၊ ညာclickနှိပ်၊ context menu မှာ » myanmar unicode converter » convert selection to unicode » from zawgyi-one စသည်ဖြင့် ရွေးပေးရပါတယ်။


unicode converter


နောက် auto detect လုပ်ခိုင်းမထားတဲ့ page တစ်ခုလုံး ပြောင်းချင်ရင် အောက်ဆုံးက convert page to myanmar unicode 5.1 ကို ရွေးပြီး ပြောင်းလို့ရသေးတယ်။


Link: Saterngod's post about Keith
http://www.saturngod.net/tag/keith



http://www.thanlwinsoft.org/MyanmarConverter/

MyanmarConverter extension

Keith Stribley

ဒီ ပို့စ်ကို တပိုင်းတစ ရေးထားတာကြာပြီ။ နောက်ကျတော့ နဲနဲတော့ out of date ဖြစ်နေပြီဆိုပြီး ဆက်မရေးဖြစ်ဘူး။ နောက်ကျတော့ ဒီ extension ကိုရေးတဲ့ Keith Stribleyဟာ 15Feb2011 မှာ ဆုံးသွားတဲ့ သတင်းကို ကြားရပြန်တယ်။ သူက မြန်မာယူနီကုတ် အတွက် ဟိုးအစောကြီးကတည်းက www.thanlwinsoft.org ကိုတည်ထောင်ပြီး လုပ်ခဲ့တာ။ ဒီလို ပညာရှင်တစ်ယောက် ဒီလိုအရွယ်မှာ ဆိုးရှုံးရတာ အရမ်း ဝမ်းနည်းစရာ ကောင်းလှပါတယ်။ မြန်မာစာ ယူနီကုတ် အတွက် အများကြီး လုပ်ပေးသွားတဲ့ နိုင်ငံခြားသား ပညာရှင်တစ်ယောက်ပါပဲ။ (Keith Stribley ဟာ Englandမှာ ၁၉၇၆ခုနှစ် တွင် မွေးဖွားပြီး ကွယ်လွန်ချိန်မှာ ဇနီးဖြစ်သူ ဒေါ်ခိုင်ဇာဝင်း နှင့် သမီး ရေဗက္ကာလင်း တို့ ကျန်ရစ်သည်ဟုသိရသည်။)


MyanmarConverter


MyanmarConverter ဆိုတဲ့ firefox extension ကို သုံးနေတာကြာပြီ။ အရမ်းလည်း အဆင်ပြေတယ်။ ဒီ extension သုံးနေရင် zawgyi-one ကို လုံးဝ စွန့်ခွာလို့ရတယ်။ facebook လိုsite မျိုးမှာဆို တစ်ချို့က Unicode သုံးတယ် အများစုက zawgyi-one သုံးနေတယ်။ ဒီလို တစ်မျက်နှာထဲမှာ font နှစ်မျိုးရှိနေပြီး html tag နဲ့လည်း font define လုပ်ပေးမထားတာမျိုး ဆိုတော့ ဂွကျတယ်။ ဒီ extension သုံးလိုက်တော့ အရမ်း အဆင်ပြေသွားတယ်။ တစ်မျက်နှာလုံးကို Unicode ပြောင်းပေးတယ်။
ဒီ extension အကြောင်း ပြောပြမယ်ဆိုပေမယ့် မိတ်ဆက်ပေးတဲ့ သဘောပါ။ instruction အပြည့်အစုံ ကတော့ official site မှာ ဖတ်လို့ ရပါတယ်။


ကဲပထမဆုံး firefox option မှာ zawgyi-one သုံးခိုင်းထားတာတွေကို myanmar3 တို့ ယွန်းချို တို့လို တစ်မျိုးမျိုးနဲ့ ပြောင်းလိုက်ပါ။


extensionရဲ့ option မှာ ကြည့်ရအောင်။ ကျွန်တော် ပထမစသုံးသုံးချင်းက သိပ်မသိသေးတော့ "enable conversion by default" ကို ရွေးထားခဲ့တယ်။


unicode converter


ပြဿနာက စက်လေးသွာတယ်။ ကျွန်တော့်စက်ကလည်း အမြန်စားကြီးမှ မဟုတ်တာကိုး။ သူကဘာ pageပဲဖွင့်ဖွင့် မြန်မာ character ရှိလားဆိုတာ detect လုပ်တယ်။ သူက ဟိုအရင်က ascii font လို့ခေါ်တဲ့ ဝင်းအင်းဝတို့ wwin_burmese တို့ကိုတောင် detect လုပ်နိုင်ပါတယ်။ အဲ့လို Unicode မဟုတ်တဲ့ မြန်မာစာ တွေ့တာနဲ့ convert လုပ်ပါတယ်။ အရမ်းတော့ smart ဖြစ်ပါရဲ့ ကျွန်တော့်စက် ကသိပ်မနိုင်ဘူး။


နောက်မှ auto detect မလုပ်ခိုင်းတဲ့ option နှစ်နည်း ကိုသိသွားတယ်။ အရင်ဆုံး "enable conversion by default" ကို uncheck လုပ်ပါ
ဒီနည်းက ကိုယ်ပြောင်းစေချင်တဲ့ exact page သို့မဟုတ် domainကို ထည့်ထားတဲ့ နည်းပါ။


ဥပမာ တစ်။ ။ facebook


hostname မှာ facebook.com ထည့်မယ်။ path name ဘာမှ မထည့်ရင် domainwise ပေါ့။ facebook.com တစ်ခုလုံး ဘယ် pageဖွင်ဖွင့် ပြောင်းပေးပါလိမ့်မယ်။


ဥပမာ နှစ်။ ။ google reader


hostname မှာ google.com ဖြည့်မယ်။ ဒါပေမယ့် google.com အောက်ကpage ဟူသမျှပြောင်းဖို့ မလိုဘူး။ ကိုယ်ပြောင်းချင်တာက google reader တစ်ခုတည်းပြောင်းရမှာကိုး။ ဒါဆို path name မှာ /reader/view/ ဆိုတာလေး ထည့်ပေးလိုက်ပါ။


ဒီလိုလေး သုံးလိုက်တော့ site ဟူသမျှ detect လုပ်စရာမလိုတော့ဘူ။ ဒါလည်း facebook နဲ့ google reader ဖွင့်ရင် လေးသေးတယ် ဆိုရင် manual နည်းရှိသေးတယ်။ တစ်မျက်နှာလုံးမှ zawgyi နဲ့နဲနဲပဲ ပါတယ်ဆို အဲ့ဒီ စာသားလေးကိုပဲ select လုပ်၊ ညာclickနှိပ်၊ context menu မှာ » myanmar unicode converter » convert selection to unicode » from zawgyi-one စသည်ဖြင့် ရွေးပေးရပါတယ်။


unicode converter


နောက် auto detect လုပ်ခိုင်းမထားတဲ့ page တစ်ခုလုံး ပြောင်းချင်ရင် အောက်ဆုံးက convert page to myanmar unicode 5.1 ကို ရွေးပြီး ပြောင်းလို့ရသေးတယ်။


Link: Saterngod's post about Keith
http://www.saturngod.net/tag/keith



http://www.thanlwinsoft.org/MyanmarConverter/

MyanmarConverter extension

Friday, April 08, 2011

Daily Likes and Dislikes

မပန်က တစ်နေ့စာ အကြိုက်များ ဆိုပြီး tagလာတော့ ကိုယ်တစ်နေ့တာမှာ ကြိုက်တာ ဘာများရှိလဲ စဉ်းစားရတာယ်။ စဉ်းစားလိုက်တော့ ကြိုက်တာ မတွေ့ပဲ မကြိုက်တာတွေပဲ စိတ်ထဲမှာ ပေါ်လာတယ်။ ဘာပဲဖြစ်ဖြစ် မရှိ ရှိတဲ့ အကြိုက်လေးတွေ ဖြစ်ညှစ် ထုတ်ကြည့်ရမှာပဲ။ ကိုယ့်မှာက အလုပ်ထွက်ထားပြီးမှ ပြည်တွင်းမှာပဲ အလုပ်သစ် ရှာရမလို sg ထွက်ပြီး အလုပ်ရှာရမလို ယောင်ခြောက်ဆယ် နေ့ရက်တွေမှာ ဘယ်လိုမှ အစီအစဉ်မကျတော့ အစဉ်လိုက် ချရေးဖို့လည်း ခက်တယ်။ ပုံမှန်ဆိုတာမှ မရှိတာ။ အိမ်မှာ ရှိရင်ရှိ ဒါမှမဟုတ် အိမ်ကကိစ္စ၊ ဟိုကိစ္စ၊ ဒီကိစ္စလေးတွေရှိမှ၊ သူငယ်ချင်းတွေနဲ့ ချိန်းထားမှ အပြင်သွားတာ မို့ ပုံမှန် အချိန်ဇယားနဲ့ အကြိုက်စဉ်လို့မရဘူး။ အပြင်သွားရတာလည်း နေပူလို့ မကြိုက်ပါဘူး။ ရည်းစားနဲ့ချိန်းထားတာ ဆိုရင်တော့ ကြိုက်မိမှာပေမယ့် အဲဒီလို chance ကမရှိပြန်ဘူး။ :( ဟား။။ သတိရပြီ။ ကြိုက်တာ တစ်ခုရှိတယ်၊ လမ်းပေါ်မှာ ကောင်မလေး ချောချောလေးတွေကို ငေးကြည့်ရတာ ကြိုက်တယ်။ ဘယ်တတ်နိုင်မလဲ။ သူငယ်ချင်းတွေ တဖြုတ်ဖြုတ်နဲ့ မိန်းမယူကုန်ကြပြီ။ ကိုယ့်မှာက ငေးရတဲ့ ဘဝက မကျွတ်သေးဘူးကိုး။ တကယ်တော့လဲ ကြည့်သာကြည့်ရတယ် မနီးစပ်တဲ့ မျဉ်းပြိုင်ဘဝတွေ ပါလားရယ်လို့ ခံစားရတာကျတော့လည်း မကြိုက်ပြန်ဘူး။

နောက်တစ်ခုက ကိုယ်က အကောင်ဘလောင်လေးတွေ ချစ်တတ်တော့ ငါးလေးတွေ မွေးထားတာ ရှိတယ်။ တကယ်က ကြောင်မွေးချင်ပေမယ့် အိမ်ကလူတွေ လက်မခံလို့ ငါးပဲမွေးရတာ။ အဲဒီငါးလေးတွေကို ကြည့်နေရတာ ကြိုက်တယ်။ သူတို့ကို အစာကျွေး ရေလဲပေး စသည်ဖြင့် လုပ်ရတာ ကြိုက်ပါတယ်။ ဟိုးအရင်ကတော့ ငါးကို ကန်ထဲထည့်မွေးတာ ငါးတွေကို ကျဉ်းကျပ်စေမလားလို့ တွေးတယ်။ သိပ်မကြိုက်ခဲ့ဘူး။ တစ်ခါမှာ joke တစ်ခုမှာ ရေးထားတာကို သဘောကျသွားတာ။ ကန်ထဲက ငါးနှစ်ကောင် စကားပြောနေတယ်၊ ပထမငါးကပြာတယ် - "ငါGodကို မြင်ဖူးတယ်"တဲ့။ "ဟုတ်လို့လားကွာ"လို့​ပြောတော့- "မင်းကလည်း မသိဘူးလား။ နေ့လိုင်း ငါတို့ကို အစာလာလာကျွေးနေတာ God ပေါ့" တဲ့လေ။ :) အဲ့ဒီ jokeလေးလိုဆိုရင် ရေကန်ထဲမှာ ငါးတွေ သူ့ အတွေးနဲ့သူ ပျော်ရင်ပျော်နေမှာပေါ့။ finding nemo ထဲကလိုတော့ ဒီကငါးတွေက intelligent ဖြစ်တာမှ မဟုတ်တာကိုး။

နောက် အပင်တွေ။ အပင်တွေ စိုက်ထားတာတွေ ကြုံသလို ရေလောင်း ဘာညာ လုပ်ရသေးတယ်။ gardening ကိုကြိုက်တယ်။ တခါတခါ ငါ့နှယ် တောမှာ ခြံစိုက်စားတာပဲ ကောင်းမလားတောင် စဉ်းစားမိတယ်။ :) ဒါလည်း စိတ်ပျက်စရာကောင်းတာက ပိုးကျတာပဲ။ ပိုးကျရင်တော့ စိတ်ပျက်လို့ ပိုးကျတဲ့ ကိုင်းတွေ ညှပ်ပြစ်။ အဲ့ဒါပဲ တတ်တယ်။

ဒီလိုပါပဲ။ ယောင်တောင်ယောင်တောင်နဲ့ ညနေရောက်သွားရော။ ညစာပြီးရင်တော့ အိမ်သားတွေ ကြည့်တဲ့ ကိုရီးယားကား ကြိုက်တာရှိရင် ကြည့်တယ်။ ဒီရက်ပိုင်း mrtv4 ကလာတဲ့ ကားကိုတော့ ကြိုက်ပါတယ်။ ပြီးရင် အိမ်နားက သူငယ်ချင်းနဲ့ လက်ဘက်ရည်ဆိုင်သွားတယ်။ ကော်ဖီသောက်ရတာကြိုက်တယ်။ ဒီရက်ပိုင်းတော့ ပူလို့ sparkling ပြောင်းသောက်တယ်။ ကြုံရတဲ့ အဖြစ်ကို ပြောရအုံးမယ်။ sparkling ဆိုရင် ကျွန်တော်က ဟိုးအရင်ကတည်းက ရှိတဲ့ အစိုးရစက်ရုံထုတ် sparkling ကိုကြိုက်တာ။ အဲ့ဒါက တံဆိပ်က သံပရိုသီး ပုံလေးနဲ့ lemon လို့ရေးထားတာ။ ဆိုင်က ချာတိတ်လေးတွေက မှာလိုက်ရင် max ပဲယူယူလာတယ်။ အဲ့တော့ သေချာ ရှင်းပြပီး မှာရတယ်။ sparkling တစ်လုံး max မဟုတ်ဘူးနော် lemon တံဆိပ်နဲ့ဟာလို့။ ဟုတ်ကဲ့ သိပြီသိပြီ ဆိုပြီး ယူလာတာ လိမ္မော်ရည်ပုလင်း။ သူငယ်ချင်းက ပြော်တယ်။ ဒီကလေးက အင်္ဂလိပ်လိုမှ မသိတာ၊ သူတို့နားလည်အောင် သံပရာသီး တံဆိပ်လို့ပြောတဲ့။ ဒါနဲ့ နောက်ရက်ကျတော့ သေချာ ရှင်းပြတယ်။ သံပရာသီး တံဆိပ်နဲ့ sparkling ပုလင်းလို့။ ချာတိတ်ကလည်း ဟုတ်ကဲ့ သိပြီသိပြီတဲ့။ ယူလာပါတယ်။ max sparkling တစ်ပုလင်းနဲ့ သံပရာသီး တစ်စိတ်။ ကျွန်တော့်မှာ ရီလိုက်ရတာ။ အေးကွာ ကောင်းတယ် ကောင်းတယ်လို့ sparkling ကို သံပရာသီး ညှစ်ပြီးသောက်လိုက်တယ်။ သောက်လို့ကောင်းလို့ ကြိုက်ပါတယ်။

ပြီးရင်တော့ internet ပေါ့။ ဟိုးအရင်ကလို site တကာ သိိပ်လျှောက် မသွားဖြစ်တော့ဘူး။ google reader နဲ့ပဲ တfeed ပြီး တfeed လိုက်ဖတ်ရတာ ပိုမြန်လို့ google readerကို ကြိုက်တယ်။ full feed မပေးတဲ့ မြန်မာ blog တစ်ချို့ကိုတော့ အရမ်း စိတ်ပျက်ရတယ်။ ကျွန်တော် ဖတ်နေကျထဲက ကြော်ငြာနဲ့ ရပ်တည်နေတဲ့ နာမည်ကြီး tech blog တွေတောင် full feed ပေးနေကြတာပဲ။ နောက် facebook ကိုတော့ online blogger friend တွေနဲ့ရော အဝေးရောက် သူငယ်ချင်းတွေနဲ့ပါ ဘယ်လောက်ဝေးဝေး နီးခွင့်ရလို့ ကြိုက်တယ်ဗျား။။။ တစ်ကယ်တော့ သုံးမယ့်သာ သုံးရတယ်၊ ကော်နက်ရှင် နှေးလွန်းလို့ တော်တော် စိတ်ပျက်ရပါတယ်။ ဒါကိုတော့ ညည်းရလွန်းလို့ ညည်းချင်စိတ်တောင် မရှိတော့ဘူး။ ခက်တာက သူတို့ကို DDos attack ရှိနေလို့ပါလို့ အကြောင်းပြတယ်။ အစကတော့ သူတို့ကို မယုံဘူး။ ဟိုတစ်နေ့ကမှ blink hacker group ရဲ့ blog မှာ သူတို့ တိုက်ပါတယ်လို့ ရေးထားတာတွေ့တယ်။ သူတို့ စစ်အစိုးရ siteတွေ တိုက်တာတော့ အားပေးပါရဲ့။ ISP ရဲ့ gatewayကို တိုက်တာတော့ သုံးစွဲသူ ပြည်သူတွေပဲ ထိခိုက်တာပဲ။ အစိုးရပိုင်းရဲ့ ကျပ်ပြေးကရုံးတွေကတော့ လိုင်းသပ်သပ်မို့ မထိဘူးဆိုလားပဲ။ ခုတ်ရာတခြားရှရာတစ်ခြားပဲ။ စိတ်ပျက်တယ်။

ဒါပါပဲဗျာ။ မပန်က မရေးရင် သူယုတ်မာဘာညာ ခြိမ်းခြောက်လို့ အပျင်းထူတဲ့ ကြားကရေးလိုက်တယ်။ post အသစ်မတင်ဖြစ်တာ ကြာပြီ။ ရေးလက်စ ပြီးအောင်ဆက်မရေးတာ နှစ်ခုလောက်ရှိပြီ။ ပြီးအောင်ဆက်ရေးပြီး ဒီရက်ပိုင်း တင်ပါအုံးမယ်။



Friday, March 04, 2011

Goodbye

Goodbye

တေလေတစ်ယောက်လို
လျှောက်သွားမနေချင်တော့
သိတဲ့ အတိုင်းပဲ
ငါတစ်ယောက်ထဲ
လမ်းတွေအများကြီး လျှောက်ခဲ့တယ်
ညည့်နက်နက်လမ်းတွေ
ခြောက်သွေ့လွန်းလို့
ရေဆာအားပြတ်လွန်းလှပြီ
ဟိုးအဝေးတစ်နေရာမှာ
မဖြစ်နိုင်ခြင်း^∞ တွေ ဆိုတဲ့
အတွေး တွေနဲ့ ပိတ်လှောင်
မွန်းကျပ်တဲ့ အိပ်မက်တွေ
ခြောက်လှန့်တဲ့ အိပ်မက်တွေ
ဂယောက်ဂယက် သွေးပျက်တဲ့ အိပ်မက်တွေ
ခြောက်လှန့်မှုတွေက
ငါ့ကို ပေါက်ကွဲစေတယ်။


ဒီတခုတော့သေချာတယ်
ဒါနောက်ဆုံးပဲ
ငါတို့နုတ်ဆက်ကြရအောင်။
အခုတော့ ငါ ကျောက်ဆစ်ရုပ်တစ်ခုလိုပါပဲ
နုတ်ဆက်စကား တွေနဲ့
နောက်ဆုံးဒီနေရာမှာ အေးခဲနေဆဲ
အသက် ရှင်သန်ခြင်းကပဲ အပြစ်တစ်ခုလိုမို့
လွတ်မြောက်ဖို့ အတွေးတွေက ဖရိုဖရဲ
နေမကောင်းဘူး
စုစည်းလို့မရဘူး
နေမကောင်းဘူး
အသက်ရှုလို့ မရတော့ဘူး
သေချာတယ်
နုတ်ဆက်တယ်
စိတ်ထဲက နုတ်ဆက်တယ်။



Saturday, February 12, 2011

Union Day Memories

ပြည်ထောင်စုနေ့ ရောက်​ပြီ​ဆို​တော့ တစ်​ခု⁠ခု​တော့ ရေး​ချင်​သေး​တယ်။ အရင်​နှစ်​တွေ​က ပင်​လုံ​စာချုပ်၊ ဖက်​ဒရယ်​ပြည်ထောင်​စု ကိစ္စ​တွေ​တော့ ပြော​ပြီး​ပြီ​ဆို​တော့ ဒါ​တွေ ရေး​ချင်​စိတ်​လည်း မ​ရှိ​တော့​ဘူး။



သိတယ်မဟုတ်လား ဒီ​အစိုးရ​အကြောင်း။ ပြော​ရ​ရင်​တော့ ဟိုး​မ​ဆ​လ​ခေတ်​က​နေ အခု န​အဖ အထိ သူ​တို့ အမူအကျင့်​တွေ​ကတော့ ဘာ​မှ မ​ပြောင်း​ဘူး အဲ့​လို အူ​ကြောင်ကြောင် formality တွေ အမြဲ​လုပ် အမြဲ ပြော​နေ​တုန်း​ပဲ။ အဲ့​ဒီ မ​ဆ​လ​ခေတ် ပြည်ထောင်​စု​နေ့ အကြောင်း​ပြော​ပြ​မယ်။



မဆလ ခေတ်​က​ဆို​တော့ ကျွန်တော်​ကတော့ ကလေး​ပဲ​ရှိ​သေး​တယ်။ မှတ်မိ​တာ​က ပြည်ထောင်​စု​နေ့​ဆို​ရင် အလံ​ကြို​ရ​တာ​ပဲ။ ရန်ကုန် မြို့တော်​ခန်းမ​က​နေ တတောင်​လောက်​ကြီး​တဲ့ အလံ​သေး⁠သေး​လေး​ကို တစ်​နိုင်ငံ​လုံး​ကို လက်ဆင့်ကမ်း​သယ်​တာ။ အဲ့​ဒါ​ကို တစ်​နိုင်ငံ​လုံး​က ကျောင်း​တွေ က​လမ်း​ဘေး​တ​လျှောက်​က စောင့်​ကြို​ရ​တာ။ သယ်​တာ​လည်း တခမ်းတနား။ အလံ​သယ်​တဲ့ လူ​က​တ​ယောက် နောက်​မှာ တစ်​ဘက် ခု​နှစ်​ယောက်​လား​မ​သိ​ဘူး ရံ​ပြီး​လိုက်​ပြေး​တာ။ ပြေး​တဲ့​ပုံ​က​အစ လေ့ကျင့်​ထား​ကြ​တာ။ လှုပ်​စိ လှုပ်​စိ​လေး ပြေး​ရ​တာ။ လက်ဆင့်ကမ်း​တာ​ဆို​လည်း လေ့ကျင့်​ထား​ကြ​တာ​ပဲ။ ကြား​ဖူး​တာ​တော့-- လွတ်​ကျ​ရင် ဒါ​မှ​မဟုတ် ပြေး​နေ​တုန်း ခလုတ်​တိုက် လဲ​ရင် ထောင်ချ​မှာ​ဆို​လား ပြော​ကြ​တာ​ပဲ။ အဲ့​ဒါ သယ်​တာ​ကို ဌာန​ဆိုင်​ရာ​တွေ​က တာဝန်​ယူ​ရ​တာ။ ကျောင်းဆရာ​တွေ​ဆို ကျောင်း​ဝတ်​စုံ​နဲ့ နာစ်​မ​တွေ​ဆို​ရင် နာစ်​ဝတ်​စုံ​နဲ့ ၊ စင်​မြင့်ပေါ် တက်​ခါ​နီး​မျိုး​ဆို​ရင် တိုင်း​ရင်း​သား​ပေါင်း​စုံ ခြံရံ​လို့ စ​သည်​ဖြင့် စ​သည်​ဖြင့်။ ရှုတ်​နေ​တာ​ပဲ။



ကျွန်တော်တို့ကျောင်းသားတွေမှာလည်း အဲ့​ဒါ​ကြို​ဖို့ မ​လိုက်​မ​နေ​ရ လိုက်​သွား​ရ​တာ။ အစောကြီး​သွား လမ်း​ဘေး​မှာ အကြာ​ကြီး​စောင့်။ လာ​ပြီ​ဆို လက်ခုပ်တီး။ တော်တော် အူ​ကြောင်ကြောင်​နိုင်​တယ်။ ကျွန်တော်​တို့ ကလေး​တွေ​ကြားမှာ​တော့ ထင်မြင်​ချက်​တွေ ယုံတမ်း​စကား​တွေ ပြော​ကြ​တာ-- အဲ့​ဒီ​အလံ​ရဲ့ တိုင်​ထဲ​မှာ ပင်​လုံ​စာချုပ် ရှိ​တယ်​တဲ့။ အလံ​လေး​က​လည်း အချာ​ပင်​တော့​မဟုတ်​ဘူး မြန်​မာ့ ပထမ​ဆုံး အလံ​ဆို​လား။ အမြဲ​သစ်​နေ​တော့... အင်း... ဟုတ်​ပါ​ဘူး​ကွာ... ဘာ​ညာ​ပေါ့။ ရေ​လည် လည်း​ထူးဆန်း​တာ​ကိုး။ တ​ခု⁠ခု​တော့ တ​ခု⁠ခု​ပဲ​လို့ ထင်​တာ​ပေါ့။



တခြားမြို့တွေမှာတော့ မ​သိ​ဘူး၊ မန္တလေး​မှာ​ဆို​ရင် မုတ်​ဦးကြီး​တွေ တစ်​ပြ တစ်​ခု​စီ​လောက် ဆောက်​သေး​တယ်။ ပြည်ထောင်​စု အလံတော်​ကို ကြိုဆို​ပါ​၏ ဆို​ပြီး​တော့။ အဲ​ဒါ​ကို မန္တလေးတိုင်း​ထဲ​က မြို့​နယ်​တိုင်း​က တစ်​ခု​စီ​ဆောက်​ပေး​ရ​တာ။ အလှ​ဆုံး​မုတ်​ဦး​ကို ဆုပေး​တယ်။ အပြိုင်​အဆိုင်​လည်း လှ​အောင် ဒီ​ဇိုင်း​အမျိုး​မျိုး ထွင်​ပြီး​လုပ်​ကြ မီး​အလှ​တွေ​ဆင်​ကြ​ဆို​တော့ ည​ဘက်​ဆို လှ​တဲ့ မုတ်​ဦး​ရှေ့ ဓာတ်​ပုံ​တွေ ရိုက်​ကြ​တာ အဲ့​ဒီ​ခေတ်​က ကင်​မ​ရာ​မင်း​တွေ​များ အလုပ်​ကို​ဖြစ်​လို့။



ဒီလောက်ပါပဲ။ အဲ့​ဒီ ပေါ​ကြောင်ကြောင် အကျိုး​မဲ့ ၊ လူ​တွေ​ပင်ပန်း၊ budget တွေ​ဖြုန်း၊ လုပ်​ခဲ့​တဲ့ အကြောင်း နှောင်း​လူ​တို့​ကို ကြား​ဖူး​အောင် ရေး​လိုက်​တာ။



Monday, January 24, 2011

Pagoda Festival Mall

ဒီဇင်ဘာလ နောက်ဆုံးပါတ်ထဲက ဗိုလ်တထောင် ဘုရားပွဲ ရှိလို့ ညဘက်မှာ ပွဲဈေးတန်းကို လျှောက်ကြည့်ဖြစ်တယ်။ ဒီလို ပွဲဈေးတန်းမျိုး မရောက်ဖြစ်တာ ကြာပြီ။ ဟိုးအရင် မန္တလေးမှာ နေတုန်းကတော့ ပွဲဈေးတန်းဆိုတာ အစုံပဲ။ ရပ်ကွပ် ဘုရားပွဲတွေဆိုတာ နိုဝင်ဘာလထဲမှာဆို ရပ်ကွပ်တိုင်းလိုလိုမှာ ဆိုတော့ ဟိုအိမ်လိုက်စား ဒီအိမ်လိုက်စား။ ပျော်စရာကောင်းတယ်။ ရန်ကုန်မှာ မရှိဘူး။ နောက် ကျောက်တော်ကြီး ဘုရားပွဲ ရှိသေးတယ်။ မန္တလေးမှာ အကြီးဆုံး ဘုရားပွဲပဲ။ အဲ့ဒီမှာ ဦးမောင်မောင်ဆပ်ကပ် ကမ္ဘာလုံးထဲ ဆိုင်ကယ်စီးတာ ကြည့်ခဲ့တာ အရမ်း သတိရတယ်။


အင်း အဲ့ဒါ ဒီ ဗိုလ်တထောင် ဘုရားပွဲ တော့ ဓါတ်ပုံလေးဘာလေးလည်း ရိုက်မယ်ဆိုပြီး လျှောက်ကြည့်ခဲ့တာ။


mall


pagoda mall


ညဆိုတော့ ရိုက်လို့တော့ သိပ်မကောင်းဘူး။ မုန့်သည်တွေတော့ အစုံပဲ။ ဒါရေမုန့်သည်တွေ။ မန္တလေးမှာတော့ မုန့်ရေပါးလို့ ခေါ်တယ်။


pagoda mall


ဒါက မုန့်လင်မယား


pagoda


pagoda


ဒါက ကောက်ညှင်းကျည်တောက်


pagoda


နောက်ပြီးတော့ ရဟတ် အကြီးကြီး တစ်ခုကို သွားကြည့်ဖြစ်တယ်။


pagoda


ဒီ ရဟတ်ကြီးနားကို videoလေး ရိုက်မလို့ သွားတာ။ အခုနောက်ပိုင်း ရဟတ်တွေက စက်တွေဘာတွေနဲ့ လှည့်နေကြတာလေ။ အခုတွေ့ရတဲ့ ရဟတ်က လူအားနဲ့ပဲ လည့်တာ။ လူအားနဲ့ လှည့်တယ်ဆိုတာ လူတွေက ရဟတ်ကြီးရဲ့ ဘောင်တွေပေါ် တွယ်တက်ပြီး သူတို့ အလေးချိန်နဲ့လှည့်တာ။ အရှိန် မြန်လာပြီဆိုရင် သူတို့ အမှီကို လိုက်တက်တာ ကြည့်ရတာ မျောက်တွေလိုပဲ။ အူယားဖို့လည်းကောင်းတယ်။ တကယ်တော်ကြတယ်။ အဲဒါမျိုးကို ရိုက်ချင်လို့ သွားတာ။ ဒီရဟတ်အဖွဲ့ကတော့ စိတ်ပျက်ဖို့ကောင်းတယ်။ လုံးဝကို အကြံအဖန်သမားတွေပဲ။ သုံးလေးပတ်လောက်ပဲ လှည့်တယ်။ ခရီးသည် ပြည့်အောင် တင်နေတာကို အကြာကြီးစောင့်ခဲ့ရတဲ့ လူတွေမှာ ရဟတ်က တကယ်လည်ပြီဆိုတော့ ခဏလေး။ ကျွန်တော်တို့ မန္တလေးမှာ စီးတုန်းကဆိုရင် အကြာကြီးလှည့်တာ။ တော်ပါတော့ လို့တောင် စိတ်ထဲက ရွတ်နေရတယ်။


ကဲ... စိတ်ပျက်စရာ ရဟတ်ပြီးတော့ စိတ်ဝင်စားစရာလေး ပြမယ်... :P


sales girl


sales girl


ကွမ်းယာသည် ငယ်ငယ်ချောချောလေး တစ်ယောက်ပါ။ ဒီပုံကို တော်တော် ခက်ခက်ခဲခဲ ရိုက်လိုက်ရတယ်။ လျှပ်စစ်မီးရောင်မရှိတဲ့ အစွန်ပိုင်းမှာ ဖရောင်းတိုင်မီးလေးပဲ ရှိတာမို့ ပုံကောင်းကောင်း ရဖို့ခက်တယ် (flash လည်းမဖွင့်ချင်တော့)။ ထားပါတော့။ ဒီလို ငယ်ငယ်ချောချောလေးက ကွမ်းယာရောင်းနေတာ ထူးဆန်းလို့ပါ။ သူနဲ့အတူရှိတဲ့ မိန်းမကြီးကလည်း ရုပ်ဆိုးဆိုးနဲ့မို့ သူ့အမေ ဟုတ်ပုံမရဘူး။ ဒီလိုဆို ဒီကောင်မလေးကို promotion girl အဖြစ် ခန့်ထားတာဖြစ်မယ်။ ဒါမှမဟုတ် sales girl လို့ပြောရမလား။ သူကိုယ်တိုင် ယာရောင်းနေတာဆိုတော့လေ။ တကယ်ဆို အရင်တစ်ရက် လာတုန်းက ဒီလိုကောင်မလေးတွေ ရောင်းတဲ့ဆိုင် သုံးဆိုင်လောက်ရှိတယ်။ အဲ့ဒီရက်က ကင်မရာ ပါမသွားလို့ ဒီတစ်ခါ သွားတော့ တစ်ဆိုင်ပဲ ရှိတော့လို့။


ဒီအောက်က ပုံကတော့ ဇာတ်ပွဲ။


pyazet


မြန်မာနိုင်ငံ မြှားပစ်အဖွဲ့ဆိုပဲ။ ပူဖေါင်းတွေကို မြှားနဲ့ပေါက်ကြတာ။


mall


ပြီးပါပြီ ။ ပုံတွေတော့ ကော်နက်ရှင် ချွေတာရတာမို့ အကုန်မတင်တော့ဘူး။


:)



Thursday, January 06, 2011

NHM Keyboard for Myanmar Unicode

ထားလိုက်ပါတော့။ အခု zawgyi သမားတွေအတွက် အဆင်ပြေ portable လည်းဖြစ်တဲ့ NhmWriter အကြောင်းပြောပြမလို့ပါ။ portable ဖြစ်တော့ Internet ဆိုင်ကို mem stick လေးနဲ့ယူသွားပြီး သုံးလို့ရတာပေါ့။


nhm keyboard ကို ဒေါင်လုတ် လုပ်ပြီး zip ကိုဖြည်၊ NhmWriter.exe ကိုclick လုပ်ပြီး စာရိုက်ရုံပဲ။
font ကတော့ ပိတောက်ပဲသုံးသုံး၊ myanmar3 ပဲသုံးသုံး။ win-uni-innwa ပဲသုံးသုံး အတူတူပဲလေ။ ကျွန်တော်ကတော့ ပိတောက်ကို လှလို့ ပိုကြိုက်တယ်။


nhm keyboard နဲ့ ရိုက်ရင် မြန်မာ-အင်္ဂလိပ်ပြောင်းဖို့ alt+1 ကိုသုံးပါတယ် (အရင် ဇော်ဂျီတုန်းက ctrl+shift လိုပေါ့။)။ tray icon ခေါင်းလောင်း လေးအဝါရောင် ပြောင်းသွားလိမ့်မယ်။
nhm keyboard က ဇော်ဂျီ လက်ကွက်နဲ့ အတူတူ ပါပဲ။


ရရစ် = shift+j တစ်မျိုး သုံးရုံပါပဲ။ လိုအပ်တဲ့ ပုံစံကို သူ့ အလိုလို ပြောင်းသွားပါတယ်။
တော်တော်များများ condition တွေမှာ စာရေးသလို ရရစ်ကို နောက်မှ ရိုက်လို့ ရပေမယ့် သဝေထိုးပါရင် မရတတ်ပါဘူး။


အောက်မြစ် = h တစ်မျိုးပါပဲ။ ထပ်တာမရှိပဲ သင့်သလို ရွေ့ပါတယ်။ တချောင်းငင်လည်းတစ်မျိုးပါပဲ။


ဝလုံး = shift+, မှာပါ။ တော်တော်များများ condition တွေမှာ zero ရိုက်ရင်တောင် ဝလုံးကိုပြောင်းပေးပါတယ်။


ဇော်ဂျီမှာလိုပဲ special အတွဲ (shift+t = ဝဆွဲဟထိုး) ပါပေမယ့်။ ပုံမှန် စာရေးသလို (shift+s ရယ် shift+g ရယ်)ရိုက်ရုံပါပဲ။ (ဥပမာ- မွှေး)


တခါတရံ ရရစ်တွေ ဝဆွဲတွေ မတွဲတာ အစဉ်မှားလို့ပါ။ (ဥပမာ – မ ရရစ် တချောင်းငင် လုံးကြီးတင် မရပါဘူး။ မ ရရစ် လုံးကြီးတင် တချောင်းငင် ရိုက်ရပါမယ်။)


ညကလေး နဲ့ အက္ခရာ ဥ မတူပါဘူး။ nhm နဲ့ရိုက်ရင်တော့ အလိုလို ပြောင်းပါတယ်။


အဲ့ဒါပါပဲ။ သုံးကြည့်လိုက်ရင်ကြိုက်ကြမှာပါ။
Links:


Padauk font download


http://www.myanmarnlp.net.mm/


http://www.myanmars.net/unicode/


Download Myanmar3 Unicode font.


PS:


စာကြွင်းလေးပြောချင်တာက…



ကျွန်တော်လည်း မြန်မာစာ Unicode compliant font နဲ့ ပါတ်သတ်ပြီး ရေးခဲ့တာ တော်တော်များခဲ့ပါပြီ။ ဒီရက်ပိုင်း Unicode ကိုပြောင်းကြဖို့ ပြောလာကြပြီဆိုတော့ ဝမ်းသာစရာပါပဲ။ facebook မှာဆိုလည်း ကျွန်တော့်မှာ အားလုံးပြောင်းကြစေဖို့ အတွက် ဝင်ကူပြောပေးဖြစ်တယ်။ ဘယ်လိုလဲတော့ မသိဘူး။ လူတွေက အဆိုးမြင်ကြတယ်။ သူတို့ပြောတဲ့ပုံက Unicode သမား တွေက zawgyi တွေကို တိုက်ခိုက်နေတယ်လို့ ထင်ကြတယ်။ ဥပမာ ကျွန်တော်က – “အားလုံးအတွက် တက်ညီလက်ညီ ပြောင်းကြစေချင်ပါတယ်။ ဇော်ဂျီဆိုတဲ့ အမှားကြီးကို သုံးနေတာဟာ ဤကိုကျွဲ ဖတ်သလို ဖြစ်နေလို့ပါ။”လို့ ပြောမိတာ— ” ဇော်ဂျီဆိုတဲ့ အမှားကြီး” လို့ပြောရပါမလား လို့ပြောကြရော။


အဲ့ဒါနဲ့ “ဇော်ဂျီမှာ အမှားတွေ အများကြီးဆိုတာ နားလည်တဲ့သူတိုင်းကို မေးကြည့်ပါနော်။ ကျွန်တော်လည်း ပညာရှင် မဟုတ်ပါဘူး။ သာမန် user ပါပဲ။ documentation တွေလိုက်ဖတ်ထားလို့ သိတာပါ။ ကျွန်တော်တို့ မြန်မာစာ standard ဖြစ်လာဖို့ အားလုံး အကျိုးအတွက် ပြောနေတာပါ။ နောက်ပြီး unicode နဲ့ မရတဲ့ browser မတွေ့ဖူးသေးပါဘူး browser အားလုံးဟာ စပြီး install လုပ်ပြီးတာနဲံ့ Unicode ရေးတာတာကို ဘာ configuration မှလုပ်စရာမလိုပဲ တန်း ပေါ်ပါတယ်။ zawgyi အတွက်သာ font ကိုဇော်ဂျီပဲသုံးဖို့ ပြင်ပေးရတာ။ တခုတော့ရှိတယ် ။ firefox မှာ “allow pages to choose their own font” ကိုဖြုတ်ပြီး ဇော်ဂျီကိုပဲ သုံးခိုင်းထားကြတာဆိုတော့ zawgyi ပဲမြင်ရမှာပေါ့။ နားလည်ပေးကြစေချင်ပါတယ်။” လို့ပြောရတယ်။


Related posts:


WOFF font embedding


Win innwa Unicode


Myanmarsa


Myanmarsa II



mymyamar-myanmar-unicode-system.


blog-in-burmese.


Myanmar Unicode – Correction


myanmar-unicode-ya-yit