Pagoda Festival Mall

ဒီဇင်ဘာလ နောက်ဆုံးပါတ်ထဲက ဗိုလ်တထောင် ဘုရားပွဲ ရှိလို့ ညဘက်မှာ ပွဲဈေးတန်းကို လျှောက်ကြည့်ဖြစ်တယ်။ ဒီလို ပွဲဈေးတန်းမျိုး မရောက်ဖြစ်တာ ကြာပြီ။ ဟိုးအရင် မန္တလေးမှာ နေတုန်းကတော့ ပွဲဈေးတန်းဆိုတာ အစုံပဲ။ ရပ်ကွပ် ဘုရားပွဲတွေဆိုတာ နိုဝင်ဘာလထဲမှာဆို ရပ်ကွပ်တိုင်းလိုလိုမှာ ဆိုတော့ ဟိုအိမ်လိုက်စား ဒီအိမ်လိုက်စား။ ပျော်စရာကောင်းတယ်။ ရန်ကုန်မှာ မရှိဘူး။ နောက် ကျောက်တော်ကြီး ဘုရားပွဲ ရှိသေးတယ်။ မန္တလေးမှာ အကြီးဆုံး ဘုရားပွဲပဲ။ အဲ့ဒီမှာ ဦးမောင်မောင်ဆပ်ကပ် ကမ္ဘာလုံးထဲ ဆိုင်ကယ်စီးတာ ကြည့်ခဲ့တာ အရမ်း သတိရတယ်။

အင်း အဲ့ဒါ ဒီ ဗိုလ်တထောင် ဘုရားပွဲ တော့ ဓါတ်ပုံလေးဘာလေးလည်း ရိုက်မယ်ဆိုပြီး လျှောက်ကြည့်ခဲ့တာ။

ညဆိုတော့ ရိုက်လို့တော့ သိပ်မကောင်းဘူး။ မုန့်သည်တွေတော့ အစုံပဲ။ ဒါရေမုန့်သည်တွေ။ မန္တလေးမှာတော့ မုန့်ရေပါးလို့ ခေါ်တယ်။

ဒါက မုန့်လင်မယား

ဒါက ကောက်ညှင်းကျည်တောက်

နောက်ပြီးတော့ ရဟတ် အကြီးကြီး တစ်ခုကို သွားကြည့်ဖြစ်တယ်။

ဒီ ရဟတ်ကြီးနားကို videoလေး ရိုက်မလို့ သွားတာ။ အခုနောက်ပိုင်း ရဟတ်တွေက စက်တွေဘာတွေနဲ့ လှည့်နေကြတာလေ။ အခုတွေ့ရတဲ့ ရဟတ်က လူအားနဲ့ပဲ လည့်တာ။ လူအားနဲ့ လှည့်တယ်ဆိုတာ လူတွေက ရဟတ်ကြီးရဲ့ ဘောင်တွေပေါ် တွယ်တက်ပြီး သူတို့ အလေးချိန်နဲ့လှည့်တာ။ အရှိန် မြန်လာပြီဆိုရင် သူတို့ အမှီကို လိုက်တက်တာ ကြည့်ရတာ မျောက်တွေလိုပဲ။ အူယားဖို့လည်းကောင်းတယ်။ တကယ်တော်ကြတယ်။ အဲဒါမျိုးကို ရိုက်ချင်လို့ သွားတာ။ ဒီရဟတ်အဖွဲ့ကတော့ စိတ်ပျက်ဖို့ကောင်းတယ်။ လုံးဝကို အကြံအဖန်သမားတွေပဲ။ သုံးလေးပတ်လောက်ပဲ လှည့်တယ်။ ခရီးသည် ပြည့်အောင် တင်နေတာကို အကြာကြီးစောင့်ခဲ့ရတဲ့ လူတွေမှာ ရဟတ်က တကယ်လည်ပြီဆိုတော့ ခဏလေး။ ကျွန်တော်တို့ မန္တလေးမှာ စီးတုန်းကဆိုရင် အကြာကြီးလှည့်တာ။ တော်ပါတော့ လို့တောင် စိတ်ထဲက ရွတ်နေရတယ်။

ကဲ... စိတ်ပျက်စရာ ရဟတ်ပြီးတော့ စိတ်ဝင်စားစရာလေး ပြမယ်... :P

ကွမ်းယာသည် ငယ်ငယ်ချောချောလေး တစ်ယောက်ပါ။ ဒီပုံကို တော်တော် ခက်ခက်ခဲခဲ ရိုက်လိုက်ရတယ်။ လျှပ်စစ်မီးရောင်မရှိတဲ့ အစွန်ပိုင်းမှာ ဖရောင်းတိုင်မီးလေးပဲ ရှိတာမို့ ပုံကောင်းကောင်း ရဖို့ခက်တယ် (flash လည်းမဖွင့်ချင်တော့)။ ထားပါတော့။ ဒီလို ငယ်ငယ်ချောချောလေးက ကွမ်းယာရောင်းနေတာ ထူးဆန်းလို့ပါ။ သူနဲ့အတူရှိတဲ့ မိန်းမကြီးကလည်း ရုပ်ဆိုးဆိုးနဲ့မို့ သူ့အမေ ဟုတ်ပုံမရဘူး။ ဒီလိုဆို ဒီကောင်မလေးကို promotion girl အဖြစ် ခန့်ထားတာဖြစ်မယ်။ ဒါမှမဟုတ် sales girl လို့ပြောရမလား။ သူကိုယ်တိုင် ယာရောင်းနေတာဆိုတော့လေ။ တကယ်ဆို အရင်တစ်ရက် လာတုန်းက ဒီလိုကောင်မလေးတွေ ရောင်းတဲ့ဆိုင် သုံးဆိုင်လောက်ရှိတယ်။ အဲ့ဒီရက်က ကင်မရာ ပါမသွားလို့ ဒီတစ်ခါ သွားတော့ တစ်ဆိုင်ပဲ ရှိတော့လို့။

ဒီအောက်က ပုံကတော့ ဇာတ်ပွဲ။

မြန်မာနိုင်ငံ မြှားပစ်အဖွဲ့ဆိုပဲ။ ပူဖေါင်းတွေကို မြှားနဲ့ပေါက်ကြတာ။

ပြီးပါပြီ ။ ပုံတွေတော့ ကော်နက်ရှင် ချွေတာရတာမို့ အကုန်မတင်တော့ဘူး။

:)

NHM Keyboard for Myanmar Unicode

ထားလိုက်ပါတော့။ အခု zawgyi သမားတွေအတွက် အဆင်ပြေ portable လည်းဖြစ်တဲ့ NhmWriter အကြောင်းပြောပြမလို့ပါ။ portable ဖြစ်တော့ Internet ဆိုင်ကို mem stick လေးနဲ့ယူသွားပြီး သုံးလို့ရတာပေါ့။

nhm keyboard ကို ဒေါင်လုတ် လုပ်ပြီး zip ကိုဖြည်၊ NhmWriter.exe ကိုclick လုပ်ပြီး စာရိုက်ရုံပဲ။
font ကတော့ ပိတောက်ပဲသုံးသုံး၊ myanmar3 ပဲသုံးသုံး။ win-uni-innwa ပဲသုံးသုံး အတူတူပဲလေ။ ကျွန်တော်ကတော့ ပိတောက်ကို လှလို့ ပိုကြိုက်တယ်။

nhm keyboard နဲ့ ရိုက်ရင် မြန်မာ-အင်္ဂလိပ်ပြောင်းဖို့ alt+1 ကိုသုံးပါတယ် (အရင် ဇော်ဂျီတုန်းက ctrl+shift လိုပေါ့။)။ tray icon ခေါင်းလောင်း လေးအဝါရောင် ပြောင်းသွားလိမ့်မယ်။
nhm keyboard က ဇော်ဂျီ လက်ကွက်နဲ့ အတူတူ ပါပဲ။

ရရစ် = shift+j တစ်မျိုး သုံးရုံပါပဲ။ လိုအပ်တဲ့ ပုံစံကို သူ့ အလိုလို ပြောင်းသွားပါတယ်။
တော်တော်များများ condition တွေမှာ စာရေးသလို ရရစ်ကို နောက်မှ ရိုက်လို့ ရပေမယ့် သဝေထိုးပါရင် မရတတ်ပါဘူး။

အောက်မြစ် = h တစ်မျိုးပါပဲ။ ထပ်တာမရှိပဲ သင့်သလို ရွေ့ပါတယ်။ တချောင်းငင်လည်းတစ်မျိုးပါပဲ။

ဝလုံး = shift+, မှာပါ။ တော်တော်များများ condition တွေမှာ zero ရိုက်ရင်တောင် ဝလုံးကိုပြောင်းပေးပါတယ်။

ဇော်ဂျီမှာလိုပဲ special အတွဲ (shift+t = ဝဆွဲဟထိုး) ပါပေမယ့်။ ပုံမှန် စာရေးသလို (shift+s ရယ် shift+g ရယ်)ရိုက်ရုံပါပဲ။ (ဥပမာ- မွှေး)

တခါတရံ ရရစ်တွေ ဝဆွဲတွေ မတွဲတာ အစဉ်မှားလို့ပါ။ (ဥပမာ – မ ရရစ် တချောင်းငင် လုံးကြီးတင် မရပါဘူး။ မ ရရစ် လုံးကြီးတင် တချောင်းငင် ရိုက်ရပါမယ်။)

ညကလေး နဲ့ အက္ခရာ ဥ မတူပါဘူး။ nhm နဲ့ရိုက်ရင်တော့ အလိုလို ပြောင်းပါတယ်။

အဲ့ဒါပါပဲ။ သုံးကြည့်လိုက်ရင်ကြိုက်ကြမှာပါ။
Links:

Padauk font download

http://www.myanmarnlp.net.mm/

http://www.myanmars.net/unicode/

Download Myanmar3 Unicode font.

PS:

စာကြွင်းလေးပြောချင်တာက…

ကျွန်တော်လည်း မြန်မာစာ Unicode compliant font နဲ့ ပါတ်သတ်ပြီး ရေးခဲ့တာ တော်တော်များခဲ့ပါပြီ။ ဒီရက်ပိုင်း Unicode ကိုပြောင်းကြဖို့ ပြောလာကြပြီဆိုတော့ ဝမ်းသာစရာပါပဲ။ facebook မှာဆိုလည်း ကျွန်တော့်မှာ အားလုံးပြောင်းကြစေဖို့ အတွက် ဝင်ကူပြောပေးဖြစ်တယ်။ ဘယ်လိုလဲတော့ မသိဘူး။ လူတွေက အဆိုးမြင်ကြတယ်။ သူတို့ပြောတဲ့ပုံက Unicode သမား တွေက zawgyi တွေကို တိုက်ခိုက်နေတယ်လို့ ထင်ကြတယ်။ ဥပမာ ကျွန်တော်က – “အားလုံးအတွက် တက်ညီလက်ညီ ပြောင်းကြစေချင်ပါတယ်။ ဇော်ဂျီဆိုတဲ့ အမှားကြီးကို သုံးနေတာဟာ ဤကိုကျွဲ ဖတ်သလို ဖြစ်နေလို့ပါ။”လို့ ပြောမိတာ— ” ဇော်ဂျီဆိုတဲ့ အမှားကြီး” လို့ပြောရပါမလား လို့ပြောကြရော။

အဲ့ဒါနဲ့ “ဇော်ဂျီမှာ အမှားတွေ အများကြီးဆိုတာ နားလည်တဲ့သူတိုင်းကို မေးကြည့်ပါနော်။ ကျွန်တော်လည်း ပညာရှင် မဟုတ်ပါဘူး။ သာမန် user ပါပဲ။ documentation တွေလိုက်ဖတ်ထားလို့ သိတာပါ။ ကျွန်တော်တို့ မြန်မာစာ standard ဖြစ်လာဖို့ အားလုံး အကျိုးအတွက် ပြောနေတာပါ။ နောက်ပြီး unicode နဲ့ မရတဲ့ browser မတွေ့ဖူးသေးပါဘူး browser အားလုံးဟာ စပြီး install လုပ်ပြီးတာနဲံ့ Unicode ရေးတာတာကို ဘာ configuration မှလုပ်စရာမလိုပဲ တန်း ပေါ်ပါတယ်။ zawgyi အတွက်သာ font ကိုဇော်ဂျီပဲသုံးဖို့ ပြင်ပေးရတာ။ တခုတော့ရှိတယ် ။ firefox မှာ “allow pages to choose their own font” ကိုဖြုတ်ပြီး ဇော်ဂျီကိုပဲ သုံးခိုင်းထားကြတာဆိုတော့ zawgyi ပဲမြင်ရမှာပေါ့။ နားလည်ပေးကြစေချင်ပါတယ်။” လို့ပြောရတယ်။

Related posts:

WOFF font embedding

Win innwa Unicode

Myanmarsa

Myanmarsa II

mymyamar-myanmar-unicode-system.

blog-in-burmese.

Myanmar Unicode – Correction

myanmar-unicode-ya-yit